皇家金边大学举办经济财政部立法研讨会 聚焦法律框架与合规

សិក្ខាសាលាផ្សព្វផ្សាយស្តីពីស្នាដៃនីតិសាស្ត្ររបស់ក្រុមប្រឹក្សានីតិកម្ម នៃក្រសួងសេដ្ឋកិច្ច និងហិរញ្ញវត្ថុ នារសៀលថ្ងៃអង្គារ ៦រោច ខែទុតិយាសាឍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី៤ ខែសីហា ឆ្នាំ២០២៦ សាកលវិទ្យាល័យភូមិន្ទភ្នំពេញ បានរៀបចំសិក្ខាសាលាផ្សព្វផ្សាយស្តីពី "ស្នាដៃនីតិសាស្ត្ររបស់ក្រុមប្រឹក្សានីតិកម្ម នៃក្រសួងសេដ្ឋកិច្ច និងហិរញ្ញវត្ថុ" ក្រោមការដឹកនាំដ៏ខ្ពង់ខ្ពស់របស់ ឯកឧត្តមសាស្ត្រាចារ្យ ជេត ជាលី សាកលវិទ្យាធិការ នៃសាកលវិទ្យាល័យភូមិន្ទភ្នំពេញ។ សិក្ខាសាលានេះមានការចូលរួមពី ថ្នាក់ដឹកនាំ បុគ្គលិក អ្នកជំនាញ សមាជិក និងសមាជិកា និងភាគីពាក់ព័ន្ធ ដើម្បីផ្សព្វផ្សាយ និងពង្រឹងការយល់ដឹងអំពីស្នាដៃនីតិសាស្ត្ររបស់ក្រុមប្រឹក្សានីតិកម្ម នៃក្រសួងសេដ្ឋកិច្ច និងហិរញ្ញវត្ថុ ក៏ដូចជាលើកកម្ពស់ការយល់ដឹងអំពីក្របខ័ណ្ឌច្បាប់ អភិបាលកិច្ចល្អ និងនីតិរដ្ឋ។ តាមរយៈសិក្ខាសាលានេះ អ្នកចូលរួមមានឱកាសផ្លាស់ប្តូរចំណេះដឹង បទពិសោធន៍ និងពិភាក្សាលើការអនុវត្តច្បាប់ និងនីតិវិធីពាក់ព័ន្ធ ដែលរួមចំណែកដល់ការពង្រឹងសមត្ថភាពធនធានមនុស្ស និងការអភិវឌ្ឍវប្បធម៌គោរពច្បាប់នៅក្នុងស្ថាប័នឧត្តមសិក្សា។ សាកលវិទ្យាល័យភូមិន្ទភ្នំពេញ សូមថ្លែងអំណរគុណយ៉ាងជ្រាលជ្រៅចំពោះ មជ្ឈមណ្ឌលសហប្រតិបត្តិការកម្ពុជា-ជប៉ុន (CJCC) ដែលបានផ្តល់ទីតាំង និងកិច្ចសហការយ៉ាងល្អក្នុងការរៀបចំសិក្ខាសាលានេះ។ សាកលវិទ្យាល័យក៏សូមកោតសរសើរ និងថ្លែងអំណរគុណចំពោះគ្រប់ភាគីពាក់ព័ន្ធ ដែលបានចូលរួម និងរួមចំណែកធ្វើឱ្យកម្មវិធីប្រព្រឹត្តទៅដោយជោគជ័យ និងសម្រេចបាននូវគោលបំណងដែលបានគ្រោងទុក។ #RUPP គេហទំព័រ និងបណ្ដាញសង្គមផ្លូវការរបស់​ RUPP 🌐 | [Facebook Page](https://www.facebook.com/ruppedu.kh/) 🌐 | [Telegram Channel](https://t.me/ruppnews) 🌐 | [Telegram Chat](https://t.me/+2N5cth6hKMg0M2Jl) 🌐 | [Tiktok](https://www.tiktok.com/@www.rupp.edu.kh?_r=1&_t=ZS-95lg8eK61rg)