柬埔寨学校推行电子化教学 家长担忧学生专注力与视力

សាលាកម្រិតមធ្យមសិក្សាជាច្រើនបានឱ្យសិស្សរៀនតាមសៀវភៅអេទ្បិចត្រូនិក (E-Book) ឬសៀវភៅឌីជីថល (Digital Book) ក្នុងថ្នាក់ និងនៅផ្ទះ ដោយប្រើ Tablet ឬ Laptop ដើម្បីមានភាពងាយស្រួលក្នុងការសិក្សា ការស្រាវជ្រាវរហ័ស កាត់បន្ថយការចំណាយជាដើម។ ប៉ុន្តែ ទន្ទឹមនឹងអត្ថប្រយោជន៍ទាំងនេះ អាណាព្យាបាលជាច្រើនបន្តព្រួយបារម្ភពីការបាត់បង់ការផ្ចង់អារម្មណ៍របស់សិស្ស កង្វះការចងចាំ ផលប៉ះពាល់ភ្នែក ការលួចលេងហ្គេមជាដើម។ ប្រទេសជាច្រើនបានរឹតត្បិតការប្រើប្រាស់ឧបករណ៍អេទ្បិចត្រូនិកក្នុងថ្នាក់ ដូចជាទូរសព្ទ ដើម្បីបញ្ចៀសការរំខាន និងការញៀនឧបករណ៍អេទ្បិចត្រូនិក។ លោក តែ ទ្បូរិន អនុប្រធានក្រុមប្រឹក្សាភិបាលសមាគមគ្រឹះស្ថានឧត្តមសិក្សាកម្ពុជា និងជាប្រធានក្រុមប្រឹក្សាភិបាលសាកលវិទ្យាល័យវេស្ទើន បានថ្លែងនៅក្នុងកិច្ចសម្ភាសផ្តាច់មុខរបស់ទូរទស្សន៍ CNC ដែលធ្វើទ្បើងដោយលោក ដួង សុខា ថា ទាំងគណៈគ្រប់គ្រងសាលា ទាំងគ្រូបង្រៀន និងឪពុកម្តាយត្រូវពន្យល់អប់រំសិស្សពីចំណុចទាំងនេះ។ #ExclusiveInterview