柬埔寨公务员招考开放 中小企业协调岗 英语占30分

គណៈកម្មការរៀបចំការប្រឡងប្រជែង សូមជូនដំណឹងដល់បេក្ខជនដែលបានដាក់ពាក្យ សម្រាប់ការប្រឡងប្រជែងជ្រើសរើសមន្ត្រីផ្អែកលើកិច្ចព្រមព្រៀងការងារ ឱ្យចូលបម្រើនៅអង្គភាពសម្របសម្រួល សហគ្រាសធុនតូចនិងមធ្យម(អ.ស.ត.ម.) ឱ្យបានជ្រាបថា ផ្អែកលើស្ថានភាពនៃចំនួនបេក្ខជនដែលបាន ដាក់ពាក្យមានចំនួនច្រើន គណៈកម្មការនឹងរៀបចំការប្រឡងប្រជែង ដើម្បីសម្រាំងយកបេក្ខជនសម្រាប់ ការពិនិត្យ វាយតម្លៃប្រវត្តិរូប ដែលនឹងប្រព្រឹត្តទៅដូចខាងក្រោម៖ 📄 វិញ្ញាសាប្រឡងប្រជែង (វិញ្ញាសាពហុចម្លើយ)៖ (១). ចំណេះដឹងទូទៅពាក់ព័ន្ធនឹងសហគ្រាសធុនតូចនិងមធ្យម ក្រមសីលធម៌ វិជ្ជាជីវៈ គោលនយោបាយរបស់រាជរដ្ឋាភិបាល និងសមត្ថភាពបំពេញការងារ (៤០ ពិន្ទុ) (២). ភាសាអង់គ្លេស (៣០ ពិន្ទុ) និង (៣). ចំណេះដឹងមូលដ្ឋានពាក់ព័ន្ធនឹងព័ត៌មានវិទ្យា (៣០ពិន្ទុ) រយៈពេល ១ម៉ោង ៣០នាទី (ម៉ោង ១៥:០០នាទី ដល់ម៉ោង ១៦:៣០នាទី) ១០០ពិន្ទុ មេគុណ១។ ✍️ បញ្ជាក់៖ មានតែបេក្ខជនដែលបានប្រឡងជាប់សម្រាំងតែប៉ុណ្ណោះ ដែលនឹងត្រូវបានទទួលស្គាល់សម្រាប់ ការពិនិត្យវាយតម្លៃប្រវត្តិរូបជាបន្ត។ 🗓️ សម័យប្រឡង៖ ថ្ងៃអាទិត្យ ទី៨ ខែវិច្ឆិកា ឆ្នាំ២០២៦ 📍 មណ្ឌលប្រឡង៖ សាលាភូមិន្ទរដ្ឋបាល https://maps.app.goo.gl/ab9D95LM2DHxZ5n37?g_st=ic (ស្ថិតតាមបណ្តោយវិថីឧកញ៉ាញឹកជូឡុង សង្កាត់ទន្លេបាសាក់ ខណ្ឌចំការមន រាជធានីភ្នំពេញ)។ ​ ✍️ បញ្ជាក់៖ បេក្ខជនត្រូវមកដល់មណ្ឌលប្រឡងមុន ១ម៉ោង(ម៉ោង ១៤:០០នាទី)និងភ្ជាប់មកជាមួយនូវ៖ - សលាកបត្រឯកត្តជន និងអត្តសញ្ញាណប័ណ្ណសញ្ជាតិខ្មែរ ឬឆាយា(ព្រះសង្ឃ) ឬ លិខិត បញ្ជាក់អត្តសញ្ញាណផ្សេងទៀត ដែលចេញដោយអាជ្ញាធរមានសមត្ថកិច្ច។ - ប៊ិកពណ៌ខៀវ និងបន្ទាត់ សម្រាប់ប្រើប្រាស់ពេលប្រឡង។ ❌ បេក្ខជនមិនត្រូវយកឯកសារផ្សេងៗ ព្រមទាំងឧបករណ៍អេឡិចត្រូនិកគ្រប់ប្រភេទ (កុំព្យូទ័រ, ទូរស័ព្ទ, នាឡិកាឆ្លាតវៃ...) ចូលក្នុងមណ្ឌលប្រឡងជាដាច់ខាត និងមិនមានការទទួលរក្សាទុកនោះទេ។ 👉 ចំពោះការបែងចែកលេខបន្ទប់ លេខតុ និងព័ត៌មានផ្សេងៗ ពាក់ព័ន្ធដំណើរការនៃការប្រឡង នឹងត្រូវប្រកាសផ្សព្វផ្សាយនាពេលក្រោយ។ ដើម្បីទទួលបានព័ត៌មានថ្មីៗពាក់ព័ន្ធនឹងការប្រឡង សូមតាមដានការផ្សព្វផ្សាយជាបន្តបន្ទាប់ នៅលើបណ្តាញផ្សព្វផ្សាយផ្លូវការនានា របស់ក្រសួងមុខងារសាធារណៈ តាមរយៈតំណភ្ជាប់៖ 📲 Telegram Channel ថ្មី «ប្រឡងមន្ត្រី» https://t.me/+erOtVg3U1dk4MGE1 📲 បណ្តាញផ្សព្វផ្សាយឈ្មោះ «ក្រសួងមុខងារសាធារណៈ» ១.Telegram https://t.me/mcsgovkh ២.Facebook https://www.facebook.com/CivilServiceCambodia 📲 បណ្តាញផ្សព្វផ្សាយឈ្មោះ «ព័ត៌មានមុខងារសាធារណៈ» ១.Telegram https://t.me/CivilServiceNews31 ២.Facebook https://www.facebook.com/Civil.Service.New