柬埔寨司法部公开招聘公务员 566人竞争15名额

**ឯកឧត្តមបណ្ឌិត ជិន ម៉ាលីន រដ្ឋមន្ត្រីស្តីទីនៃក្រសួងយុត្តិធម៌ បានអញ្ជើញចូលរួមកិច្ចដំណើរការប្រឡងប្រជែងជ្រើសរើសមន្ត្រីរាជការ ឱ្យចូលបម្រើការងារក្នុងក្របខ័ណ្ឌក្រសួងយុត្តិធម៌ ចំនួន ១៥ រូប ដែលមានបេក្ខជនប្រឡងពេញសិទ្ធិ ៥៦៦ នាក់** **====================** នៅព្រឹកថ្ងៃចន្ទ ៣កើត ខែភទ្របទ ឆ្នាំមមី អដ្ឋស័ក ព.ស. ២៥៧០ ត្រូវនឹងថ្ងៃទី១៤ ខែកញ្ញា ឆ្នាំ២០២៦ នៅមណ្ឌលប្រឡងសាលាភូមិន្ទរដ្ឋបាល ឯកឧត្តមបណ្ឌិត ជិន ម៉ាលីន រដ្ឋមន្ត្រីស្តីទីនៃក្រសួងយុត្តិធម៌ បានអញ្ជើញចូលរួមកិច្ចដំណើរការប្រឡងប្រជែងជ្រើសរើសមន្ត្រីរាជការ ឱ្យចូលបម្រើការងារក្នុងក្របខ័ណ្ឌក្រសួងយុត្តិធម៌ ចំនួន ១៥ រូប (ប្រភេទក្របខ័ណ្ឌ ក) ដែលមានបេក្ខជនប្រឡងពេញសិទ្ធិសរុបចំនួន ៥៦៦ នាក់ (ស្រី ២៣៧ នាក់)។ កិច្ចដំណើរការប្រឡងប្រជែងនេះ ប្រព្រឹត្តទៅមានរយៈពេលពេញមួយថ្ងៃ ក្រោមការដឹកនាំដោយ ឯកឧត្តម ហ៊ុន ម៉ានី ឧបនាយករដ្ឋមន្ត្រី រដ្ឋមន្ត្រីក្រសួងមុខងារសាធារណៈ និងជាប្រធានគណៈកម្មការរៀបចំការប្រឡងប្រជែង ព្រមទាំងមានការអញ្ជើញចូលរួមពីថ្នាក់ដឹកនាំក្រសួងយុត្តិធម៌ រួមមាន៖ ឯកឧត្តម ខាន់ វណ្ណៈ រដ្ឋលេខាធិការ, ឯកឧត្តម ផូវ សំភី អគ្គនាយក និងក្រុមការងារនៃអគ្គលេខាធិការដ្ឋានក្រសួងយុត្តិធម៌ ព្រមទាំងតំណាងក្រសួងសេដ្ឋកិច្ចនិងហិរញ្ញវត្ថុ, តំណាងអង្គភាពប្រឆាំងអំពើពុករលួយ (ACU), អ្នកសង្កេតការណ៍ និងបណ្តាញសារព័ត៌មានជាច្រេីនរូប។