洪玛奈重申不承认武力划定边境 柬泰边境争端寻求法律仲裁

សម្តេច ហ៊ុន ម៉ាណែត៖កម្ពុជាមិនទទួលស្គាល់ជាដាច់ខាត«ខ្សែបន្ទាត់ព្រំដែន»បង្កើតឡើងដោយការប្រើប្រាស់កម្លាំង .. ក្នុងសន្និសីទសារព័ត៌មាន ក្រោយជំនួបពិភាក្សាត្រីភាគី រវាងហ្វីលីពីន កម្ពុជា និងថៃ សម្តេច ហ៊ុន ម៉ាណែត បានថ្លែងពីការប្តេជ្ញាចិត្តរបស់កម្ពុជា ក្នុងការបន្តពង្រីកកិច្ចសហប្រតិបត្តិការពេញលេញ និង បានអំពាវនាវឱ្យមានការពង្រឹងតួនាទីរបស់ AOT ដើម្បីផ្ទៀងផ្ទាត់ និងធានានូវការអនុវត្តបទឈប់បាញ់ និងវិធានការដែលបានព្រមព្រៀងទាំងអស់រវាងកម្ពុជា និងថៃ។ សម្តេច បានប្រកាសជាថ្មីមិនទទួលស្គាល់ជាដាច់ខាតនូវ «ខ្សែបន្ទាត់ព្រំដែន» បង្កើតឡើងដោយការប្រើប្រាស់កម្លាំង ហើយជំរុញឱ្យថៃអនុវត្តសេចក្តីថ្លែងការណ៍រួមថ្ងៃទី២៧ ធ្នូ ឱ្យបានពេញលេញ និង ជាបន្ទាន់ ជាពិសេសចំណុចទី៣ ដែលអំពាវនាវឱ្យមានការបន្តការស្ទង់មតិ និង ការបោះបង្គោលព្រំដែនដោយ JBC ឡើងវិញ ស្របតាមកិច្ចព្រមព្រៀងដែលមានស្រាប់ ដោយមិនមានការពន្យារពេលបន្តទៀត។ សម្តេច ក៏បានប្រកាសពីការសម្រេចចិត្តរបស់កម្ពុជាក្នុងការផ្តួចផ្តើមការផ្សះផ្សាជាកាតព្វកិច្ចក្រោម UNCLOS បន្ទាប់ពីប្រទេសថៃបានដកខ្លួនចេញពី MOU-2001 និង ​ជឿ​ថា​នេះ​ជា​ផ្លូវ​សន្តិភាព​ឆ្ពោះ​ទៅ​រក​ដំណោះស្រាយ​ដោយ​យុត្តិធម៌​សម្រាប់​ភាគី​ទាំង​ពីរ។