柬埔寨医师委员会严管医疗宣传 Dr.Tong呼吁删除相关视频

គណៈគ្រូពេទ្យកម្ពុជា រំលឹកគ្រូពេទ្យគោរពក្រមសីលធម៌ ខណៈមានការពិភាក្សាលើវីដេអូ Dr.Tong គណៈគ្រូពេទ្យកម្ពុជា បានអំពាវនាវឱ្យគ្រូពេទ្យទាំងអស់សិក្សា និងស្វែងយល់ឱ្យបានច្បាស់អំពីក្រមសីលធម៌វិជ្ជាជីវៈវេជ្ជសាស្រ្ត ច្បាប់ លិខិតបទដ្ឋានគតិយុត្ត ព្រមទាំងប្រកាសពាក់ព័ន្ធនឹងការផ្សព្វផ្សាយក្នុងក្របខណ្ឌវិជ្ជាជីវៈសុខាភិបាល។សារនេះត្រូវបានបង្ហោះលើទំព័រហ្វេសប៊ុករបស់គណៈគ្រូពេទ្យកម្ពុជា និងត្រូវបានគេមើលឃើញថាជាការបញ្ជាក់ជំហរ និងការឆ្លើយតបពាក់ព័ន្ធនឹងការពិភាក្សាលើបណ្តាញសង្គមជុំវិញករណីដែលពាក់ព័ន្ធនឹងលោកវេជ្ជបណ្ឌិតTong (Dr. Tong)។ បញ្ហានេះបានក្លាយជាប្រធាន បទចាប់អារម្មណ៍លើបណ្តាញសង្គមហ្វេសប៊ុកដោយមានអ្នកប្រើប្រាស់មួយចំនួនបង្ហាញការងឿងឆ្ងល់ និងប្រតិកម្មពាក់ព័ន្ធនឹងបម្រាមឬការណែ នាំរបស់គណៈគ្រូពេទ្យកម្ពុជា លើការប្រើប្រាស់ និងការផ្សព្វផ្សាយវីដេអូក្នុងវិស័យសុខាភិបាល។ ជាមួយគ្នានេះ លោកវេជ្ជបណ្ឌិត Tong (Dr. Tong) បានបង្ហោះសារនៅលើហ្វេសប៊ុក ដោយអំពាវនាវឱ្យអ្នកដែលកំពុងប្រើប្រាស់វីដេអូរបស់លោកសូមធ្វើការលុបវីដេអូចេញទាំងអស់ ដោយបញ្ជាក់ថា លោកមិនទទួលខុសត្រូវចំពោះវីដេអូដែលត្រូវបានយកទៅបង្ហោះ ឬប្រើប្រាស់នៅលើគេហទំព័រណាមួយឡើយចាប់ពីថ្ងៃជូនដំណឹងនេះតទៅ។