柬埔寨农林渔业部与印尼茂物农业大学探讨农业合作

ឯកឧត្តមរដ្ឋលេខាធិការ ចាន់ សុវុឌ្ឍ អញ្ជេីញទទួលជួបជាមួយ ប្រតិភូសាកលវិទ្យាល័យ IPB University Bogor Indonesia ក្នុងជំនួបសម្តែងការគួរសម និងពិភាក្សាការងារ =================== នាថ្ងៃទី២៩ ខែមេសា ឆ្នាំ២០២៦ ឯកឧត្តម ចាន់ សុវុឌ្ឍ រដ្ឋលេខាធិការក្រសួងកសិកម្ម រុក្ខាប្រមាញ់ និងនេសាទ បានអញ្ជេីញទទួលជួបជាមួយ ប្រតិភូសាកលវិទ្យាល័យ IPB University Bogor Indonesia ក្នុងជំនួបសម្តែងការគួរសម និងពិភាក្សាការងារស្តីពីកិច្ចសហប្រតិបត្តិការ​លើវិស័យកសិកម្ម និងព្រៃឈើ នៅទីស្តីការក្រសួងកសិកម្ម​ រុក្ខាប្រមាញ់​ និងនេសាទ។ នាឱកាសនៃជំនួប​ ឯកឧត្តមរដ្ឋលេខាធិការ​ បានសម្តែងការស្វាគមន៍នូវកិច្ចសហប្រតិបត្តិការជាមួយ សាកលវិទ្យាល័យ IPB University ក្នុងការជំរុញអភិវឌ្ឍន៍ធនធានមនុស្សរវាងប្រទេសទាំងពីរ ជាពិសេសការផ្លាស់ប្តូរនិស្សិត និងការពិសោធន៍ស្រាវជ្រាវក្នុងវិស័យកសិកម្ម​។ តាងនាមក្រសួងកសិកម្ម រុក្ខាប្រមាញ់ និងនេសាទ ឯកឧត្តមរដ្ឋលេខាធិការ​ បើកចំហរស្វាគមន៍ និងគាំទ្រចំពោះកិច្ចសហប្រតិបត្តិការកសាងធនធានមនុស្ស ខណៈសាកលវិទ្យាល័យ IPB ជាសាកលវិទ្យាល័យល្បីល្បាញទាំងក្នុងតំបន់ និងសាកលលោក​ ព្រមទាំងមាន(MoU)និងកិច្ចសហការល្អជាមួយសាកលវិទ្យាល័យភូមិន្ទកសិកម្មស្រាប់ ដែលអនុញ្ញាតឲ្យនិស្សិតនៃប្រទេសទាំងពីរ អាចផ្លាស់ប្តូរបទពិសោធន៍ល្អៗ សិក្សាពីវប្បធម៌ ការផ្ទេរចំណេះដឹង​ និងការរស់នៅទៅវិញទៅមក។ កិច្ចប្រជុំនេះបញ្ចប់ដោយលទ្ធផលផ្លែផ្កា ដោយភាគីទាំងពីរបង្ហាញគោលជំហរបន្តកិច្ចសហប្រតិបត្តិការឲ្យកាន់តែរឹងមាំប្រសើរឡើងថែមទៀត បន្ថែមពីនេះ ប្រតិភូឥណ្ឌូនេស៊ី​នឹងធ្វេីទស្សនកិច្ចសិក្សា​ សាកលវិទ្យាល័យទាំង៣​ ចំណុះក្រសួងកសិកម្ម​ រុក្ខាប្រមាញ់​ និងនេសាទ​ បណ្តាសហគមន៍កសិកម្ម​ និងតំបន់សក្តានុពលកសិកម្មកម្ពុជា៕ 👉តំណភ្ជាប់ទៅកាន់គេហទំព័រ និងបណ្តាញសង្គមរបស់ក្រសួងកសិកម្ម រុក្ខាប្រមាញ់ និងនេសាទ [Website](https://www.maff.gov.kh/) | [Facebook](https://web.facebook.com/maff.gov.kh/) | [Youtube](https://www.youtube.com/@-maff2) | [Telegram](https://t.me/maff_gov_kh)