洪玛尼及工作组前往实居省慰问当地民众，对近期去世的村民家属表示哀悼并提供经济援助

**ក្រុមការងារចុះមូលដ្ឋានឃុំដំណាក់រាំងចូលរួមរំលែកមរណទុក្ខ និងនាំយកបច្ច័យចូលបុណ្យសពនៅមូលដ្ខាន** ======= **ខេត្តកំពង់ស្ពឺ៖ នៅថ្ងៃសៅរ៍ ៧ កើត ខែជេស្ធ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី២៣ ខែឧសភា ឆ្នាំ២០២៦ ឯកឧត្តម ឈួរ សុបញ្ញា ប្រធានក្រុមការងារបានដឹកនាំក្រុមការងារចុះមូលដ្ឋានឃុំដំណាក់រាំង រួមជាមួយគណៈកម្មាធិការគណបក្សឃុំអញ្ជើញចូលរួមរំលែកមរណទុក្ខ និងនាំយកបច្ច័យចូលបុណ្យសព លោក សួង អឿ ដែលបានទទួលមរណភាពកាលពីថ្ងៃទី១២ ខែឧសភា ឆ្នាំ២០២៦ ក្នុងជន្មាយុ ៤១ ឆ្នាំ និងសពលោក ផៃ ចន្ថា ដែលបានទទួលមរណភាពកាលពីថ្ងៃទី២១ ខែឧសភា ឆ្នាំ២០២៦ ក្នុងជន្មាយុ ២៣ ឆ្នាំ ដោយរោគាពាធ។** **ក្នុងបរិយាកាសដ៏សែនក្រៀមក្រំ និងពោរពេញដោយអារម្មណ៍សោកស្តាយ ក្រុមការងារបានចូលរួមចែករំលែកទុក្ខលំបាកជាមួយក្រុមគ្រួសារសព ដោយបង្ហាញនូវស្មារតីមនុស្សធម៌ និងការយកចិត្តទុកដាក់យ៉ាងជ្រាលជ្រៅចំពោះប្រជាពលរដ្ឋនៅមូលដ្ឋាន ដែលការចូលរួមនេះមិនត្រឹមជាការចូលរួមជាថវិកាប៉ុណ្ណោះទេ ប៉ុន្តែជាកម្លាំងចិត្តដ៏មានតម្លៃ ដែលជួយលើកទឹកចិត្តដល់គ្រួសារក្នុងពេលវេលាដ៏ពិបាកបំផុត។** **ក្នុងឱកាសនោះ ក្រុមការងារក៏បានពាំនាំនូវសេចក្តីនឹករលឹក និងសាររំលែកមរណទុក្ខដ៏កក់ក្តៅពី ឯកឧត្តម ហ៊ុន ម៉ានី ឧបនាយករដ្ឋមន្ត្រី រដ្ឋមន្ត្រីក្រសួងមុខងារសាធារណៈ និងជាប្រធានក្រុមការងារចុះមូលដ្ឋានខេត្តកំពង់ស្ពឺ និង ឯកឧត្តមបណ្ឌិត អ៊ុក កោសា ប្រធានក្រុមការងារចុះមូលដ្ឋានស្រុកសាមគ្គីមុនីជ័យ ជូនចំពោះក្រុមគ្រួសារសព ដោយបានសម្តែងនូវការសោកស្តាយយ៉ាងជ្រាលជ្រៅចំពោះការបាត់បង់ជីវិតរបស់សមាជិកគ្រួសារ ដែលជាការបាត់បង់មិនអាចជំនួសបាន។** ក្នុងវរោកាសនោះ **ក្រុមការងារបានបួងសួងសូមឱ្យវិញ្ញាណក្ខន្ធនៃសពទាំង២ បានទៅកាន់ទីសុខសាន្ត និងទេវលោក ដោយសេចក្ដីសុខសាន្តកុំបីខានឡើយ។ ជាមួយគ្នានេះ សូមឱ្យក្រុមគ្រួសារសព រក្សាចិត្តឱ្យរឹងមាំ និងបន្តរស់នៅដោយកម្លាំងសង្ឃឹម ដើម្បីឆ្លងកាត់ពេលវេលាដ៏លំបាកនេះដូចព្រះពុទ្ធបានត្រាស់ថា៖** **“អនិច្ចា វត សង្ខារា” __អ្វីៗទាំងអស់ក្នុងលោកនេះ មិនអចិន្រ្តៃយ៍ឡើយ__។ ពុទ្ធដីការនេះជាការរំលឹកឱ្យយើងទាំងអស់គ្នា យល់ដឹងអំពីសភាពជាក់ស្តែងនៃជីវិត និងបណ្តុះចិត្តឱ្យទទួលយកការប្រែប្រួលដោយសន្តិភាពផ្លូវចិត្ត។** **ការចូលរួមរំលែកមរណទុក្ខ និងជួយឧបត្ថម្ភក្នុងពេលវេលាលំបាកនេះ គឺជាការបង្ហាញពីវប្បធម៌ចែករំលែក និងសាមគ្គីភាពដ៏ល្អប្រពៃរបស់សង្គមខ្មែរ ដែលតែងតែឈរជាមួយគ្នា នៅពេលសុខ និងពេលទុក្ខ។ វាជាសញ្ញាបញ្ជាក់ថា សេចក្ដីមេត្តាករុណា និងការយកចិត្តទុកដាក់ គឺជាគន្លឹះសំខាន់ក្នុងការកសាងសង្គមឱ្យមានមនុស្សធម៌ និងសន្តិភាពជានិច្ច៕ 🙏**