磅湛省青年联合会（UYFC）4月20日工作动态

ស**.**ស**.**យ**.**ក**. **ខេត្តកំពង់ចាម** **សូមគោរពជូនសកម្មភាពប្រចាំថ្ងៃទី**២០ **ខែមេសា ឆ្នាំ២០២៦** **ដូចខាងក្រោម៖ 👉ស.ស.យ.ក. ឃុំកោះសូទិនចូលរួមអមដំណើរ លោក លឿង រ៉ាម៉ូ អនុប្រធានកិត្តិយស ស.ស.យ.ក. ស្រុក និងលោក ឃុន សុវណ្ណារ៉ា ប្រធាន ស.ស.យ.ក. ស្រុកកោះសូទិន បានចូលរួមរំលែកទុក្ខ និងនាំយកបច្ច័យចូលបុណ្យសព ៧ថ្ងៃ ឈ្មោះ ឯក សិទ្ធី ដែលជាឪពុករបស់យុវជនស្រុកកោះសូទិន ដែលបានទទួលមរណភាព នៅវេលាម៉ោង ៨យប់ថ្ងៃទី១៥ ខែមេសា ឆ្នាំ២០២៦ ក្នុងជន្មាយុ ៦៦ឆ្នាំ ដោយរោគាពាធ នៅភូមិទី១ ឃុំកោះសូទិន។ 👉 លោក លឿង រ៉ាម៉ូ អនុប្រធានកិត្តិយស ស.ស.យ.ក. ស្រុកចូលរួមអមដំណើរ ឯកឧត្ដម សា ស៊ីថា អភិបាលរងនៃគណ:អភិបាលខេត្តកំពង់ចាម តំណាងដ៏ខ្ពង់ខ្ពស់ ឯកឧត្តម អ៊ុន ចាន់ដា អភិបាល នៃគណៈអភិបាលខេត្តកំពង់ចាម បានអញ្ជើញចុះមកសួរសុខទុក្ខ និងនាំយកស្បៀង និងសម្ភារ:របស់សាខាកាកបាទក្រហមកម្ពុជា ខេត្តកំពង់ចាម មកប្រគល់ជូនគ្រួសាររងផលប៉ះពាល់ដោយខ្យល់កន្ត្រាក់ កាលពីល្ងាចថ្ងៃទី១៩ ខែមេសា ឆ្នាំ២០២៦ សរុបចំនួន ១៥គ្រួសារក្នុងនោះឃុំមហាលាភចំនួន ១៣គ្រួសារ និងឃុំល្វេ ចំនួន ២គ្រួសារ ស្ថិតនៅភូមិដំណាក់ព្រីងកើត ឃុំមហាលាភ ស្រុកកោះសូទិន ខេត្តកំពង់ចាម ។ 👉ស.ស.យ.ក.ឃុំគរ បានចូលរួមជាមួយអាជ្ញាធរឃុំ ប៉ុស្តិ៍ និងសប្បុរសជននាំយកថវិកាសរុបចំនួន ២៦០,០០០៛ ទៅសួរសុខទុក្ខឧបាសក ម៉ក់ ជន់ អាយុ ៨៦ឆ្នាំមានជំងឺប្រចាំកាយជាសមាជិកភូមិតាម៉ូត ឃុំគរ ស្រុកព្រៃឈរ ខេត្តកំពង់ចាម។