柬埔寨司法部讨论刑事诉讼法修正案

ឯកឧត្តម ម៉ុង មុនីចរិយា សហប្រធានក្រុមការងារបច្ចេកទេសទទួលបន្ទុករៀបចំការធ្វើវិសោធនកម្មក្រមនីតិវិធីព្រហ្មទណ្ឌ អញ្ជើញដឹកនាំកិច្ចប្រជុំពិនិត្យ និងពិភាក្សាលើការធ្វើវិសោធនកម្មក្រមនីតិវិធីព្រហ្មទណ្ឌ ===================== នៅទីស្ដីការក្រសួងយុត្តិធម៌៖ នាព្រឹកថ្ងៃចន្ទ ៣រោច ខែស្រាពណ៍ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី៣១ ខែសីហា ឆ្នាំ២០២៦, ឯកឧត្តម ម៉ុង មុនីចរិយា សហប្រធានក្រុមការងារបច្ចេកទេសទទួលបន្ទុករៀបចំការធ្វើវិសោធនកម្មក្រមនីតិវិធីព្រហ្មទណ្ឌ បានអញ្ជើញដឹកនាំកិច្ចប្រជុំ របស់ក្រុមការងារបច្ចេកទេស ដោយមានការចូលរួមពីសំណាក់ លោកជំទាវ ចាំង ស៊ីណាត អនុប្រធានតុលាការកំពូល ព្រមទាំង ឯកឧត្ដម លោកជំទាវ លោក លោកស្រី ដែលជាអនុប្រធាន សមាជិក និងសមាជិកានៃក្រុមការងារ។ កិច្ចប្រជុំបានបន្តពិនិត្យ និងកែសម្រួលលើបទប្បញ្ញត្តិពាក់ព័ន្ធនឹងការកែសម្រួលរចនាសម្ព័ន្ធ និងការតាក់តែងបទប្បញ្ញត្ដិផ្សេងៗ ដើម្បីធានាបាននូវប្រសិទ្ធភាពនៃការអនុវត្ដ និងដើម្បីឱ្យស្របតាមការវិវត្ដន៍នៃបរិបទសង្គមនាពេលបច្ចុប្បន្ន។