卫生部启动护理专业国家级临床技能考核标准建设

កិច្ចប្រជុំក្រុមការងារបច្ចេកទេស ស្តីពីការអភិវឌ្ឍឧបករណ៍វាយតម្លៃ ការប្រឡងជំនាញគ្លីនិក សម្រាប់ការប្រឡងចេញថ្នាក់ជាតិ (OSCE) សម្រាប់ថ្នាក់បរិញ្ញាបត្ររងគិលានុបដ្ឋាក —— រាជធានីភ្នំពេញ៖ ព្រឹកថ្ងៃចន្ទ ទី១១ ខែឧសភា ឆ្នាំ២០២៦ ឯកឧត្តមសាស្ត្រាចារ្យ យីត ស៊ុនណារ៉ា រដ្ឋលេខាធិការក្រសួងសុខាភិបាល និងជានាយកគម្រោងពង្រឹងប្រព័ន្ធអប់រំមុនពេលបម្រើការងារសម្រាប់មន្ត្រីសុខាភិបាល (SPESHP) បានអញ្ជើញចូលរួមជាអធិបតី ក្នុងកិច្ចប្រជុំក្រុមការងារបច្ចេកទេស ស្តីពីការអភិវឌ្ឍឧបករណ៍វាយតម្លៃការប្រឡងជំនាញគ្លីនិក សម្រាប់ការប្រឡងចេញថ្នាក់ជាតិ (OSCE) សម្រាប់ថ្នាក់បរិញ្ញាបត្ររងគិលានុបដ្ឋាក នៅវិទ្យាស្ថានជាតិសុខភាពសាធារណៈ។ កិច្ចប្រជុំរយៈពេល ៣ ថ្ងៃនេះ មានគោលបំណងក្នុងការរៀបចំឧបករណ៍វាយតម្លៃ សម្រាប់ការប្រឡងការអនុវត្តជំនាញគ្លីនិក (OSCE) សម្រាប់ការវាយតម្លៃនិស្សិតប្រឡងចេញថ្នាក់ជាតិ ថ្នាក់បរិញ្ញាបត្ររងគិលានុបដ្ឋាក ដែលមានលក្ខណៈស្តង់ដា ប្រសិទ្ធភាព និងតម្លាភាព។ សូមបញ្ជាក់ផងដែរថា កិច្ចប្រជុំនេះមានការអញ្ជើញចូលរួមពី លោកស្រីសាស្ត្រាចារ្យជំនួយ ទូច សុខនាង ប្រធាននាយកដ្ឋានអភិវឌ្ឍន៍ធនធានមនុស្ស នៃក្រសួងសុខាភិបាល មន្ត្រីរាជការនៃក្រសួងសុខាភិបាល ទីប្រឹក្សាគម្រោង SPESHP មន្ទីរពេទ្យជាតិ និងគ្រឹះស្ថានបណ្តុះបណ្តាលក្នុងវិស័យសុខាភិបាលសាធារណៈ និងឯកជន។ **🌐** [Website](https://moh.gov.kh/kh/home) 📱 [Facebook](https://www.facebook.com/MinistryofHealthofCambodia?mibextid=ZbWKwL) 📱 [Telegram](https://t.me/MOHCambodia) 📱 [X (twitter)](https://x.com/MohCambodia) 📱 [Tiktok](https://www.tiktok.com/@mohcambodia) 📱 [YouTube](https://www.youtube.com/@MOHCambodia)