柬埔寨国防部发言人否认泰国军方关于柬方挑衅的指控

អ្នកនាំពាក្យក្រសួងការពារជាតិកម្ពុជាបដិសេធការផ្សាយលើផែកហ្វែសប៊ុកកងទ័ពថៃ ដែលចោទថា មានសកម្មភាពញុះញង់ពីភាគីកម្ពុជា នៅថ្ងៃទី២ ខែមេសា ឆ្នាំ២០២៦ ផេកហ្វេសប៊ុកផ្លូវការរបស់ Royal Thai Army បានផ្សព្វផ្សាយព័ត៌មានអំពីការពង្រឹងរបងលួសបន្លា និងដាក់ពង្រាយរថពាសដែកនៅតំបន់ច្រកអូរស្មាច់ ក្នុងទឹកដីកម្ពុជាដែលយោធាថៃកំពុងកាន់កាប់ដោយខុសច្បាប់ ដោយអះអាងថាមានសកម្មភាពញុះញង់ពីភាគីកម្ពុជា។ ចំពោះការលើកឡើងនេះ អ្នកនាំពាក្យក្រសួងការពារជាតិនៃព្រះរាជាណាចក្រកម្ពុជា សូមបញ្ជាក់ថា «មិនមែនជាការពិត និងគ្មានមូលដ្ឋាន»។ កងកម្លាំងកម្ពុជាតែងអនុវត្តភារកិច្ចដោយគោរពវិន័យយោធា បទបញ្ជារបស់ថ្នាក់ដឹកនាំ និងគោលការណ៍វិជ្ជាជីវៈយ៉ាងតឹងរឹង។ កងកម្លាំងកម្ពុជាបន្តប្រកាន់ខ្ជាប់នូវភាពអត់ធ្មត់ ការទទួលខុសត្រូវ និងការប្រុងប្រយ័ត្នខ្ពស់ ដើម្បីការពារអធិបតេយ្យ និងបូរណភាពទឹកដីជាតិ ខណៈពេលជាមួយគ្នានេះ ក៏បានខិតខំរក្សាបរិយាកាសសន្តិភាព ស្ថិរភាព និងការជៀសវាងភាពតានតឹងនៅតាមតំបន់ព្រំដែនផងដែរ។ [Facebook](https://www.facebook.com/rumlech9/ | [Facebook](https://www.facebook.com/share/1C7Fatvbeb/?mibextid=wwXIfr | [Facebook](https://www.facebook.com/profile.php?id=61582633534888 | [Telegram](https://t.me/rumlech9 | [ TikTok](https://www.tiktok.com/@rom.lech | [YouTube](https://www.youtube.com/@rumlech | [Instagram](https://www.instagram.com/rumlech/ | [X](https://x.com/RumLech_News | [Website](https://s-romlechnews.com.kh/)