金边节后返程高峰开启 公共巴士免费接送务工人员

រថយន្តក្រុងឥតគិតថ្លៃរបស់រដ្ឋ ជូនដំណើរពលរដ្ឋមកភ្នំពេញជាបន្តបន្ទាប់ ភ្នំពេញ៖ នៅថ្ងៃទី ១២ ខែតុលានេះ ប្រជាពលរដ្ឋបានធ្វើដំណើរមកកាន់ក្រុងភ្នំពេញវិញជាបន្តបន្ទាប់ ដើម្បីប្រកបរបររកសុី និងធ្វើកិច្ចការងារជាធម្មតាឡើងវិញ។ ជាក់ស្ដែងនៅស្ថានីយរថយន្តក្រុង សួនច្បារឫស្សីកែវ មានពលរដ្ឋជាច្រើនបានធ្វើដំណើរតាមរយៈរថយន្តក្រុងសាធារណៈដោយឥតគិតថ្លៃ របស់រដ្ឋពីស្រុកកំណើតតាមបណ្ដាខេត្តនានា។ ស្ថានីយរថយន្តក្រុងឫស្សីកែវនេះ ដឹកពលរដ្ឋដែលមកពីខេត្តនានាដូចជា ខេត្តកំពង់ឆ្នាំង, ពោធិ៍សាត់ បាត់ដំបង បន្ទាយមានជ័យ និងខេត្តប៉ៃលិន មកកាន់រាជធានីភ្នំពេញ។