柬埔寨司法部参与东盟移交囚犯条约谈判 完善区域司法合作

ឯកឧត្តមបណ្ឌិត **ឃ្លោក ដារ៉ា** ប្រតិភូរាជរដ្ឋាភិបាល និងជាអគ្គនាយកនៃអគ្គនាយកដ្ឋានកិច្ចការអន្តរជាតិ និងអភិវឌ្ឍន៍វិស័យយុត្តិធម៌ បានអញ្ជើញដឹកនាំគណៈប្រតិភូក្រសួងយុត្តិធម៌ ចូលរួមក្នុងកិច្ចប្រជុំលើកទី២ នៃក្រុមការងារបច្ចេកទេស ដើម្បីពិនិត្យ ចរចា និងផ្តល់យោបល់លើសេចក្តីព្រាងសន្ធិសញ្ញាអាស៊ានស្តីពី “**ការផ្ទេរទណ្ឌិត**”  សម្រាប់ប្រទេសជាសមាជិកអាស៊ានដែលមានគំនិតដូចគ្នា នៅថ្ងៃទី៧ ដល់ថ្ងៃទី៩ ខែតុលា ឆ្នាំ២០២៦ នៅរដ្ឋធានីម៉ានីល នៃសាធារណរដ្ឋហ្វីលីពីន ================== រដ្ឋធានីម៉ានីល៖ ចាប់ពីថ្ងៃពុធ ១១រោច ខែភទ្របទ ឆ្នាំមមី អដ្ឋស័ក ព.ស.២៥៧០ ដល់ថ្ងៃសុក្រ ១៣រោច ខែភទ្របទ ឆ្នាំមមី អដ្ឋស័ក ព.ស.២៥៧០ ឯកឧត្តមបណ្ឌិត **ឃ្លោក ដារ៉ា** ប្រតិភូរាជរដ្ឋាភិបាល និងជាអគ្គនាយកនៃអគ្គនាយកដ្ឋានកិច្ចការអន្តរជាតិ និងអភិវឌ្ឍន៍វិស័យយុត្តិធម៌ អមដោយប្រធានយកដ្ឋាន និងមន្ត្រីនៃនាយកដ្ឋានកិច្ចការច្បាប់និងកិច្ចសហប្រតិបត្តិការអាស៊ាន បានចូលរួមក្នុងកិច្ចប្រជុំលើកទី២ នៃក្រុមការងារបច្ចេកទេស ដើម្បីពិនិត្យ ចរចា និងផ្តល់យោបល់លើសេចក្តីព្រាងសន្ធិសញ្ញាអាស៊ានស្តីពី “**ការផ្ទេរទណ្ឌិ**ត”  សម្រាប់ប្រទេសជាសមាជិកអាស៊ានដែលមានគំនិតដូចគ្នា នៅថ្ងៃទី៧ ដល់ថ្ងៃទី៩ ខែតុលា ឆ្នាំ២០២៦ នៅរដ្ឋធានីម៉ានីល នៃសាធារណរដ្ឋហ្វីលីពីន។ កិច្ចប្រជុំនេះ មានការចូលរួមពីប្រទេសសមាជិកអាស៊ាន ដើម្បីបន្តការពិនិត្យ ពិភាក្សា និងផ្តល់យោបល់លើអត្ថបទនៃសេចក្តីព្រាងសន្ធិសញ្ញាផ្ទេរទណ្ឌិត (**TTSP**) អាស៊ានដែលនឹងក្លាយជាមូលដ្ឋានច្បាប់គ្រប់ជ្រុងជ្រោយ នៃកិច្ចសហប្រតិបត្តិការផ្នែកច្បាប់ក្នុងវិស័យព្រហ្មទណ្ឌក្នុងក្របខ័ណ្ឌអាស៊ាន។ ក្នុងឱកាសនោះផងដែរ គណៈប្រតិភូក្រសួងយុត្តិធម៌កម្ពុជា ក៏បានជួបពិភាក្សាការងារទ្វេភាគីជាមួយតំណាងក្រសួងយុត្តិធម៌ហ្វីលីពីន ដើម្បីពិនិត្យលើបែបបទនិងនីតិវិធីនៃការស្នើសុំផ្ទេរទណ្ឌិតហ្វីលីពីន ពីកម្ពុជាមកអនុវត្តបន្តនៅហ្វីលីពីន។