德崇国际机场警察局举办Tea Talk交流会 强化内部管理与

លោកឧត្តមសេនីយ៍ត្រី សុខ ធា នាយប៉ុស្តិ៍នគរបាលច្រកទ្វារអាកាសយានដ្ឋានអន្តរជាតិតេជោ បានអញ្ជើញសំណេះសំណាល «Tea Talk» នាព្រឹកថ្ងៃអង្គារ ២កើត ខែបឋមាសាឍ ឆ្នាំមមី អដ្ឋស័ក ព.ស២៥៧០ ត្រូវនឹងថ្ងៃទី១៦ ខែមិថុនា ឆ្នាំ២០២៦នេះ នៅប៉ុស្តិ៍នគរបាលច្រកទ្វារអាកាសយានដ្ឋានអន្តរជាតិតេជោ។ កម្មវិធីនេះក៏មានការអញ្ជើញចូលរួមពីសំណាក់ លោក-លោកស្រីនាយរងប៉ុស្តិ៍ នាយផ្នែក នាយរងផ្នែក ព្រមទាំងមន្ត្រីនគរបាលចំណុះឱ្យប៉ុស្តិ៍ផងដែរ។ គោលបំណងសំខាន់ៗនៃកម្មវិធី «Tea Talk»៖ -ពង្រឹងសាមគ្គីភាពផ្ទៃក្នុង៖ បង្កើនភាពស្និទ្ធស្នាល និងការយោគយល់គ្នារវាងថ្នាក់ដឹកនាំប៉ុស្តិ៍ និងមន្ត្រីក្រោមឱវាទគ្រប់លំដាប់ថ្នាក់។ -ផ្លាស់ប្តូរបទពិសោធន៍ និងមតិយោបល់៖ បង្កើតឱកាសឱ្យមន្ត្រីគ្រប់ផ្នែកអាចបញ្ចេញមតិ ពិភាក្សាពីបញ្ហាប្រឈម និងស្វែងរកដំណោះស្រាយរួមគ្នាក្នុងការបំពេញភារកិច្ច។ -ជំរុញប្រសិទ្ធភាពការងារ៖ ទទួលយកការណែនាំ និងទិសដៅការងារថ្មីៗពីសំណាក់លោកនាយប៉ុស្តិ៍ ដើម្បីធានាបាននូវសន្តិសុខ សណ្តាប់ធ្នាប់ និងការផ្តល់សេវាកម្មប្រកបដោយវិជ្ជាជីវៈខ្ពស់នៅប៉ុស្តិ៍នគរបាលច្រកទ្វារអាកាសយានដ្ឋានអន្តរជាតិតេជោ។ លោកឧត្តមសេនីយ៍ត្រី សុខ ធា នាយប៉ុស្តិ៍នគរបាលច្រកទ្វារអាកាសយានដ្ឋានអន្តរជាតិតេជោ នៅក្នុងឱកាសនោះ បានសម្តែងនូវការកោតសរសើរចំពោះកិច្ចខិតខំប្រឹងប្រែងរបស់មន្ត្រីទាំងអស់នាពេលកន្លងមក។ លោកក៏បានណែនាំបន្ថែមដល់មន្ត្រីប៉ុស្តិ៍នគរបាលច្រកទ្វារអាកាសយានដ្ឋានអន្តរជាតិតេជោ ត្រូវមានឥរិយាបថសមរម្យ ពង្រឹងវិន័យកងកម្លាំង គ្រប់គ្រងកម្លាំង សាមគ្គីភាពផ្ទៃក្នុង និងផ្លាស់ប្តូរវេនការងារឲ្យបានល្អ ការស្វាគមន៍ភ្ញៀវជាតិ និងអន្តរជាតិ ឬការយកចិត្តទុកដាក់លើសន្តិសុខជាដើម។ «កម្មវិធី Tea Talk នេះ គឺជាស្ពានចម្លងមួយយ៉ាងសំខាន់ក្នុងការផ្សារភ្ជាប់ទំនាក់ទំនងរវាងថ្នាក់ដឹកនាំ និងមន្ត្រី ដើម្បីធ្វើយ៉ាងណាឱ្យការងាររបស់យើងប្រព្រឹត្តទៅដោយរលូន និងមានសាមគ្គីភាពផ្ទៃក្នុងរឹងមាំ»។ កម្មវិធីបានបញ្ចប់ទៅក្រោមបរិយាកាសរីករាយ ស្និទ្ធស្នាល និងទទួលបានលទ្ធផលល្អគួរជាទីគាប់ចិត្ត ដោយមន្ត្រីគ្រប់រូបបានប្តេជ្ញាចិត្តរួមគ្នាក្នុងការអនុវត្តតួនាទី និងភារកិច្ចជូនអគ្គនាយកដ្ឋានអន្តោប្រវេសន៍ និងក្រសួងមហាផ្ទៃ ព្រមទាំងជាផ្នែកមួយក្នុងការជួយជាតិមាតុភូមិឱ្យកាន់តែល្អប្រសើរឡើង៕ ✅ប៉ុស្តិ៍នគរបាលច្រកទ្វារអាកាសយានដ្ឋានអន្តរជាតិតេជោ ☎️ទំនាក់ទំនង 0188200300 👉Telegram Chanel : https://t.me/kticheckpoint 🗺 ទីតាំង (Map) : https://maps.app.goo.gl/HWxU68PC8A1wvTsR7?g_st=ipc