柬埔寨司法部召开2025年财务审计报告会议

ឯកឧត្តម កើត សេកាណូ ប្រតិភូរាជរដ្ឋាភិបាល និងជាអគ្គលេខាធិការនៃក្រសួងយុត្តិធម៌ អញ្ជើញដឹកនាំអង្គភាពថវិកាចំណុះទីស្តីការក្រសួងយុត្តិធម៌ ចូលរួមកិច្ចប្រជុំ ស្តីពីលទ្ធផលរបាយការណ៍នៃការធ្វេីសវនកម្មហិរញ្ញវត្ថុ និងរបាយការណ៍សមិទ្ធកម្មរបស់ក្រសួងយុត្តិធម៌ សម្រាប់ការិយបរិច្ឆេទ២០២៥ និងឆ្នាំពាក់ព័ន្ធ =================== នៅព្រឹកថ្ងៃព្រហស្បតិ៍ ទី២០ ខែសីហា ឆ្នាំ២០២៦ ឯកឧត្តម កើត សេកាណូ ប្រតិភូរាជរដ្ឋាភិបាល និងជាអគ្គលេខាធិការនៃក្រសួងយុត្តិធម៌ បានអញ្ជើញដឹកនាំអង្គភាពថវិកាចំណុះទីស្តីការក្រសួងយុត្តិធម៌ ចូលរួមកិច្ចប្រជុំជាមួយគណៈប្រតិភូនៃអាជ្ញាធរសវនកម្មជាតិ ស្តីពីលទ្ធផលរបាយការណ៍នៃការធ្វេីសវនកម្មហិរញ្ញវត្ថុ និងរបាយការណ៍សមិទ្ធកម្មរបស់ក្រសួងយុត្តិធម៌ សម្រាប់ការិយបរិច្ឆេទ២០២៥ និងឆ្នាំពាក់ព័ន្ធ។ កិច្ចប្រជុំខាងលើនេះ ផ្តោតសំខាន់លើលទ្ធផលនៃការសវនកម្មហិរញ្ញវត្ថុលេីការគ្រប់គ្រងការអនុវត្តចំណូល-ចំណាយថវិការដ្ឋ និងការគ្រប់គ្រងទ្រព្យសម្បត្តិរដ្ឋក្នុងការិយបរិច្ឆេទ២០២៥ និងឆ្នាំពាក់ព័ន្ធ និងរបាយការណ៍សមិទ្ធកម្ម ព្រមទាំងពិនិត្យ និងតាមដាននូវការអនុវត្តនូវអនុសាសន៍អធិការកិច្ចដែលបានផ្តល់ជូននាពេលកន្លងមក សំដៅពង្រឹងអភិបាលកិច្ចល្អរបស់ក្រសួងយុត្តិធម៌ ក្នុងការអនុវត្តចំណូល-ចំណាយថវិកាជាតិ និងការគ្រប់គ្រងទ្រព្យសម្បត្តិរដ្ឋ ប្រកបដោយតម្លាភាព ប្រសិទ្ធភាព ស័ក្តិសិទ្ធភាព និងគណនេយ្យភាព ស្របតាមនីតិវិធីហិរញ្ញវត្ថុ ដោយអនុលោមតាមច្បាប់ស្តីពីប្រព័ន្ធហិរញ្ញវត្ថុសាធារណៈ និងបទប្បញ្ញត្តិពាក់ព័ន្ធ ជាធរមាន។