商务部推动柬埔寨产品对接中国市场 助力中小企业

លោកជំទាវ តោ ពិឡា រដ្ឋលេខាធិការក្រសួងពាណិជ្ជកម្ម ដឹកនាំកិច្ចជំនួបផ្សារភ្ជាប់អាជីវកម្មរវាងបណ្តាញអ្នកចែកចាយផលិតផលខ្មែរក្នុងស្រុក និងទីផ្សារប្រទេសចិន ជាមួយសហគ្រាសធុនតូច និងមធ្យម (SMEs) ដែលបានចូលរួមយុទ្ធនាការផលិតផលជាតិ #MadeInCambodia ... (ភ្នំពេញ)៖ នាព្រឹកថ្ងៃចន្ទ ទី១៤ ខែកញ្ញា ឆ្នាំ២០២៦ នៅទីស្តីការក្រសួងពាណិជ្ជកម្ម លោកជំទាវ តោ ពិឡា រដ្ឋលេខាធិការក្រសួងពាណិជ្ជកម្ម បានដឹកនាំកិច្ចជំនួបផ្សារភ្ជាប់អាជីវកម្មរវាងបណ្តាញអ្នកចែកចាយផលិតផលខ្មែរក្នុងស្រុក និងទីផ្សារប្រទេសចិន ជាមួយសហគ្រាសធុនតូច និងមធ្យម (SMEs) ដែលបានចូលរួមយុទ្ធនាការផលិតផលជាតិ #MadeInCambodia។ កិច្ចជំនួបនេះ មានការអញ្ជើញចូលរួមពី លោកជំទាវអនុរដ្ឋលេខាធិការ លោក លោកស្រីអគ្គនាយករង លោកប្រធាននាយកដ្ឋាន និងមន្ត្រីជំនាញពីនាយកដ្ឋានពាក់ព័ន្ធនៃក្រសួងពាណិជ្ជកម្ម ព្រមទាំងតំណាងក្រុមហ៊ុនចែកចាយ ខេអេច (KH Distribution), ក្រុមហ៊ុន X Capital Investment Co., Ltd., ក្រុមហ៊ុន Grab Cambodia និងតំណាងសហគ្រាសធុនតូច និងមធ្យមជាច្រើនរូប។ ក្នុងឱកាសនោះ តំណាងក្រុមហ៊ុនចែកចាយចំនួន៣ រួមមាន៖ ក្រុមហ៊ុន ខេអេច ដែលជាក្រុមហ៊ុនចែកចាយក្នុងស្រុក, ក្រុមហ៊ុន X Capital Investment Co., Ltd. ដែលជាក្រុមហ៊ុនសម្រួលទីផ្សារប្រទេសចិន និងក្រុមហ៊ុន Grab Cambodia បានចូលរួមជាវាគ្មិន ដោយបានផ្តោតសំខាន់លើលក្ខខណ្ឌ បែបបទ នីតិវិធី និងគោលដៅរបស់ក្រុមហ៊ុននីមួយៗ ក្នុងការជួយសម្រួល និងជំរុញផលិតផលខ្មែរឱ្យអាចចូលទៅកាន់បណ្តាញចែកចាយ ព្រមទាំងពង្រីកទីផ្សារទាំងក្នុងស្រុក និងក្រៅស្រុកឱ្យកាន់តែទូលំទូលាយ។ កិច្ចជំនួបនេះ មានសារៈសំខាន់យ៉ាងខ្លាំងសម្រាប់សហគ្រាសកម្ពុជា បណ្តាញអ្នកចែកចាយ និងដៃគូអាជីវកម្មទាំងក្នុងស្រុក និងប្រទេសចិន ក្នុងការជំរុញការផ្សារភ្ជាប់កិច្ចសហប្រតិបត្តិការជាមួយគ្នា ដើម្បីពង្រីកចំណែកទីផ្សារ លើកកម្ពស់ការផលិត ការកែច្នៃ ការប្រើប្រាស់ និងការចែកចាយផលិតផលកម្ពុជា ស្របពេលដែលក្រសួងពាណិជ្ជកម្ម បាននិងកំពុងជំរុញផលិតផលខ្មែរយ៉ាងសកម្ម តាមរយៈការរៀបចំយុទ្ធនាការផលិតផលជាតិ #MadeInCambodia។ … ភ្ជាប់មកកាន់ក្រសួងពាណិជ្ជកម្ម តាមតំណភ្ជាប់ខាងក្រោម៖ Connect with Ministry of Commerce: 🌐 [Facebook ](https://web.facebook.com/moc.gov.kh) 🌐 [Telegram](https://t.me/mocnewsfeed) 🌐 [Website](https://www.moc.gov.kh/) 🌐 [YouTube](https://www.youtube.com/@mocgovkhcambodia) 🌐 [X (Twitter](https://twitter.com/MoCCambodia))