巴域市发生一起严重交通事故，肇事车辆撞人后逃逸并冲上民宅屋顶

អ្នកបើកបររថយន្តបុកមនុស្សស្លាប់ រួចបន្ថែមល្បឿនហោះទើរលើដំបូលផ្ទះពលរដ្ឋនៅក្រុងបាវិត ត្រូវសមត្ថកិច្ចកសាងសំណុំរឿងបញ្ជូនទៅតុលាការ ករណីគ្រោះថ្នាក់ចរាចរណ៍ដ៏រន្ធត់មួយបានកើតឡើងនៅលើកំណាត់ផ្លូវជាតិលេខ១ ក្នុងភូមិសាស្ត្រក្រុងបាវិត កាលពីល្ងាចថ្ងៃទី៨ ខែកញ្ញា ឆ្នាំ២០២៦ ដោយរថយន្តមួយគ្រឿងបានបើកបុកអ្នកធ្វើដំណើរលើផ្លូវបណ្តាលឱ្យស្លាប់ភ្លាមៗនៅនឹងកន្លែង រួចបន្ថែមល្បឿនបើករត់គេចខ្លួន ក៏រ៉េចង្កូតជ្រុលផ្លោងហោះឡើងទៅទើរលើដំបូលផ្ទះប្រជាពលរដ្ឋយ៉ាងតក់ស្លុត។ គិតត្រឹមថ្ងៃទី៩ ខែកញ្ញា នេះ សមត្ថកិច្ចនគរបាលក្រុងបាវិត រួមជាមួយកម្លាំងជំនាញចរាចរណ៍ខេត្តស្វាយរៀង បានចុះអន្តរាគមន៍ឃាត់ខ្លួនជនបង្កបានភ្លាមៗ និងបានប្រើប្រាស់រថយន្តស្ទូចយករថយន្តបង្កចុះពីលើដំបូលផ្ទះ ដើម្បីយកទៅរក្សាទុកជាភស្តុតាង។ បច្ចុប្បន្ន នគរបាលជំនាញកំពុងធ្វើតេស្តស្វែងរកសារធាតុញៀន និងជាតិស្រវឹង ព្រមទាំងកសាងសំណុំរឿងបញ្ជូនជនបង្កទៅកាន់សាលាដំបូងខេត្តស្វាយរៀង ដើម្បីចាត់ការតាមនីតិវិធីច្បាប់យ៉ាងតឹងរ៉ឹងបំផុតពីបទ «បើកបរធ្វេសប្រហែស បង្កឱ្យអ្នកដទៃស្លាប់ និងរត់គេចខ្លួន» ខណៈសពជនរងគ្រោះត្រូវបានប្រគល់ជូនក្រុមគ្រួសារយកទៅធ្វើបុណ្យតាមប្រពៃណី៕ 🌐[PNS News Cambodia](https://www.facebook.com/share/18PwN6TuDX/) 🌐[PNS News Cambodia](https://t.me/pnsnewscambodia) 🌐[PNS_News​_Cambodia](https://www.tiktok.com/@pnsnews_cambodia?_r=1&_t=ZS-99L97djyBAW)