柬埔寨举办国际羽毛球裁判培训 备战东南亚锦标赛

[来源: 柬埔寨国家电视台] [分类提示: NEWS] 标题: សិក្ខាកាមមកពី ៩ប្រទេសត្រូវបានបំពាក់បំប៉នជំនាញចៅក្រមអាជ្ញាកណ្តាលវាយសីពីសហព័ន្ធវាយសីអាស៊ីត្រៀមចូលរួមកាត់ក្តីជើងឯកអាស៊ីអាគ្នេយ៍លើកទី៣ មុនព្រឹត្តិការណ៍ប្រកួតកីឡាវាយសីជ្រើសរើសជើងឯកអាស៊ីអាគ្នេយ៍លើកទី៣ ដែលកម្ពុជាទទួលធ្វើជាម្ចាស់ផ្ទះចូលមកដល់ សហព័ន្ធកីឡាវាយសីអាស៊ី បានបើកវគ្គបណ្តុះបណ្តាលមន្រ្តីជំនាញ អាជ្ញាកណ្តាលចៅក្រមកីឡាវាយអន្តរជាតិ ដល់សិក្ខាកាម មកពី៩ប្រទេស នៅក្នុងពហុកីឡដ្ឋានមរតកតេជោ។ ឯកឧត្តម កែវ រស់ អគ្គលេខាធិការ សហព័ន្ធកីឡាវាសីកម្ពុជា បានឱ្យដឹងថា វគ្គបណ្តុះបណ្តាលដែលរៀបចំដោយ សហព័ន្ធកីឡាវាយសីអាស៊ីនេះ មានសិក្ខាកាមចូលរួមចំនួន១៣នាក់ មកពី៩ប្រទេស មានដូចជា កម្ពុជា.វៀតណាម ឥណ្ឌា .មីយ៉ាន់ម៉ា. ឡាវ .ព្រុយណេ .សឹង្ហបុរី.ថៃ.និងហ្វីលីពីន ក្នុងចំណោមនោះមានមន្រ្តីកម្ពុជាពីររូប។ ក្រៅពីសិក្ខាកាមផ្លូវការ សហព័ន្ធកីឡាវាយសីកម្ពុជាក៏បានដាក់មន្រ្តីរបស់ខ្លួនចំនួន១០នាក់ឱ្យចូលរួមវគ្គបំប៉ននេះផងដែរ។ ការដាក់បន្ថែមមន្រ្តីចូលរួមក្រៅផ្លូវការនេះ ជាការបញ្ជ្រាបចំណេះដឹងឱ្យមន្រ្តីសហព័ន្ធកីឡាវាយសីបានឈ្វេងយល់អំពីជំនាញអាជ្ញាកណ្តាល ចៅក្រមវាយសីអន្តរជាតិ ជាការត្រៀមលក្ខណៈទុកជាមុន ដើម្បីត្រៀមចូលរួមវគ្គអន្តរជាតិនានា ដែលរៀបចំដោយសហព័ន្ធកីឡាវាយសីអាស៊ី។ ឯកឧត្តម អគ្គលេខាធិកា បានពន្យល់ថា មន្រ្តីអាជ្ញាកណ្តាល ចៅក្រម ដែលទទួលបានការបណ្តុះបណ្តាល ដោយសហព័ន្ធកីឡាវាយសីអាស៊ី ដែលមានសិក្ខាកាមចំនួន១៣នាក់នេះ គឺបានរៀនតាមអនឡាញពីរលើករួចមកហើយ .ហើយក្នុងរយៈពេល៣ថ្ងៃនៃការបណ្តុះបណ្តាលចាប់ពីថ្ងៃទី១២ដល់ថ្ងៃទី១៤ គឺជាការរៀនទ្រឹស្តី និងចាប់ពីថ្ងៃទី១៥ដល់ថ្ងៃ២១ ខែ សីហា ជាការអនុវត្តដោយផ្ទាល់នៅលើទីលាន។ ប្រសិនបើអាជ្ញាកណ្តាល ចៅក្រមទាំង១៣នាក់ ត្រូវបានមន្រ្តីសហព័ន្ធកីឡាវាយសីអាស៊ីវាយតម្លៃមានពិន្ទុជាប់ក្នុងវគ្គនេះ គឺពួកគេនឹងជាប់ជាអាជ្ញាកណ្តាល ចៅក្រមអន្តរជាតិទទួលស្គាល់ដោយ