磅湛青年联合会筹备第二届高棉产品展

ស.ស.យ.ក. ខេត្តកំពង់ចាម សូមគោរពជូនសកម្មភាពប្រចាំថ្ងៃទី៣១ ខែតុលា-ថ្ងៃទី១ ខែវិច្ឆិកា ឆ្នាំ២០២៦ ដូចខាងក្រោម៖ 👉 លោកជំទាវ អនហេង លក្ខិណា អនុប្រធាន ស.ស.យ.ក. ខេត្តកំពង់ចាមទទួលបន្ទុកការងារផ្សព្វផ្សាយ និងលោក ព្រាប វិច្ឆិកា ជនបង្គោលទទួលបន្ទុកការងារផ្សព្វផ្សាយខេត្ត បានអញ្ជើញចូលរួមកិច្ចប្រជុំវិសាមញ្ញតាមប្រព័ន្ធវីដេអូអនឡាញ ដើម្បីកំណត់ទិសដៅផ្សព្វផ្សាយឆ្ពោះទៅពិព័រណ៍ផលិតផលខ្មែរលើកទី២ ក្រោមប្រធានបទ «ខ្មែរធ្វើបាន៖ ចូលរួម ជំរុញ គាំទ្រ ផលិតផលក្នុងស្រុក» ក្រោមអធិបតីភាពឯកឧត្តម សោម រតនា សមាជិកគណៈកម្មាធិការកណ្ដាល និងជាប្រធាននាយកដ្ឋានផ្សព្វផ្សាយ និងទំនាក់ទំនងសាធារណៈ នៃគណៈកម្មាធិការកណ្ដាល សហភាពសហព័ន្ធយុវជនកម្ពុជា។ 👉លោក លោកស្រី ដែលជាអ្នកសង្កេតការណ៍ ស.ស.យ.ក. ឃុំទាំង១០៩ បានចូលរួមសង្កេតការណ៍ ពិនិត្យបញ្ជីឈ្មោះ និង​ការ​ចុះ​ឈ្មោះ​បោះ​ឆ្នោត ឆ្នាំ២០២៦ ។ 👉លោក អេង ណាង សមាជិក ស.ស.យ.ក.ឃុំគរ ជួយសម្របសម្រួល ជូនប្រជាពលរដ្ឋចំនួន ៣នាក់មានប័ណ្ណសមធម៌នៅភូមិត្រពាំងពោន ឃុំគរ ស្រុកព្រៃឈរ ខេត្តកំពង់ចាម ទៅបើកប្រាក់ឧបត្ថម្ភពីរាជរដ្ឋាភិបាលកម្ពុជានៅកន្លែងផ្ទេរប្រាក់វីងភូមិតាលៃ ឃុំគរ ស្រុកព្រៃឈរ។