柬埔寨妇女事务部发布2025-2030反暴力行动计划

ក្រសួងកិច្ចការនារីបានរៀបចំពិធីប្រកាសផ្សព្វផ្សាយដាក់ឱ្យប្រើប្រាស់ជាផ្លូវការ “ផែនការសកម្មភាពជាតិ ស្តីពី ការទប់ស្កាត់អំពើហិង្សាលើស្រ្តី លើកទី៤ ឆ្នាំ២០២៥-២០៣០” លោកស្រីកិត្ដិបណ្ឌិត អ៉ឹង កន្ថាផាវី រដ្ឋមន្ដ្រី ក្រសួងកិច្ចការនារី បានលេីកឡេីងថា អំពើហិង្សាលើស្ត្រី គឺជាការរំលោភបំពានសិទ្ធិមនុស្សយ៉ាងធ្ងន់ធ្ងរ ដែលរឹតត្បិតសិទ្ធិ និងសេរីភាពជាមូលដ្ឋានរបស់ស្ត្រី។ លោកស្រីកិត្ដិបណ្ឌិត អ៉ឹង កន្ថាផាវី បានបន្ដទៀតថា សកម្មភាពទាំងនោះរួមមាន ការប្រើប្រាស់ហិង្សា ការគំរាមកំហែង ការបង្ខិតបង្ខំ ឬការដកហូតសិទ្ធិសេរីភាព ដែលអាចកើតមាននៅទីសាធារណៈ ឬក្នុងជីវិតឯកជន ហើយបុព្វហេតុចម្បងនៃអំពើហិង្សាលើស្ត្រី ត្រូវបានទទួលស្គាល់ជាទូទៅថា បណ្តាលមកពី វិសមភាពយេនឌ័រ និងការរើសអើង។ ក្នុងនោះស្ត្រី និងក្មេងស្រីជាក្រុមដែលមានហានិភ័យខ្ពស់ក្នុងការទទួលរងនូវអំពើហិង្សាគ្រប់ទម្រង់ ទាំងផ្លូវកាយ ផ្លូវភេទ ផ្លូវចិត្ត និងផ្នែកសេដ្ឋកិច្ច ដោយផ្ទាល់ និងតាមរយៈការប្រើប្រាស់ប្រព័ន្ធបច្ចេកវិទ្យា។ នេះជាការបញ្ជាក់បន្ថែមរបស់លោកស្រីកិត្ដិបណ្ឌិត អ៉ឹង កន្ថាផាវី។ [WEBSITE](https://link.ams.com.kh/6f1bad) | [TELEGRAM](https://link.ams.com.kh/a18e1a) | [FACEBOOK](https://link.ams.com.kh/9f0b6d) | [TIKTOK](https://link.ams.com.kh/d7ac6c) | [YOUTUBE](https://link.ams.com.kh/6a0b25)