金边举办“一万步为一万名学生”慈善跑活动，吸引约3700人参

លោក ហង់ជួន ណារ៉ុន៖ «អំណាន» ជាមូលដ្ឋានគ្រឹះនៃចំណេះដឹង ភ្នំពេញ៖ លោក ហងជួន ណារ៉ុន រដ្ឋមន្ត្រី ក្រសួងអប់រំ យុវជន និងកីឡា ចង់ឱ្យពលដ្ឋ និងយុវជន យល់ដឹងពីសារសំខាន់នៃការអាន សារសំខាន់នៃការថែរក្សាសុខភាព ជាពិសេសស្វែងយល់អំពីសារមន្ទីរសេដ្ឋកិច្ច និងរូបិយវត្ថុ ព្រះស្រីឦសានវរ្ម័ន (ស.ស.រ)។ ឧបនាយករដ្ឋមន្ត្រី អះអាងក្នុងកម្មវិធីរត់ «១ម៉ឺនជំហាន ដើម្បីសិស្ស១ម៉ឺននាក់» នៅព្រឹកថ្ងៃទី៣១ ខែឧសភា ថា សារមន្ទីរ ស.ស.រ ជាទីតាំងផ្តល់ចំណេះដឹងអំពីការប្រើប្រាស់រូបិយវត្ថុតាំងពីសម័យបុរាណរបស់ខ្មែរ និងជាសារមន្ទីរ ផ្តល់ចំណេះដឹងសម្រាប់យុវជនចេះគ្រប់គ្រងការចំណាយ សន្សំ និងប្រកបរបរចិញ្ចឹមជីវិត។ ចំណែក «អំណាន» ជាមូលដ្ឋានគ្រឹះនៃចំណេះដឹង។ កម្មវិធីរត់ប្រណាំង និងដើរដើម្បីសប្បុរសធម៌ «១ម៉ឺនជំហាន ដើម្បីសិស្ស១ម៉ឺននាក់» ដែលរៀបចំឡើងក្រោមប្រធានបទ «រត់ ដើរ ដើម្បីលើកកម្ពស់ការអាន និងស.ស.រ បានផ្តួចផ្តើមដោយគ្រឹះស្ថាន អម្រឹត សហការជាមួយក្រសួងអប់រំ បានធ្វើឡើងនៅកោះពេជ្រ បន្ទាប់ពីបានរៀបចំឡើងព្រមគ្នាក្នុងខេត្តចំនួន៥ រួចមកហើយ កាលពីថ្ងៃទី២៤ ខែឧសភា។ សម្រាប់នៅទីតាំងរាជធានីភ្នំពេញនេះ មានអ្នកចូលរួមរត់ និងដើរ ប្រមាន ៣៧០០នាក់។