贡布省房东违规出租给无证外籍人士 被罚2400万瑞尔

«ម្ចាស់ផ្ទះជួលមួយកន្លែងនៅកំពត រងពិន័យ២៤លានរៀល ក្រោយជួលឱ្យជនបរទេសគ្មានលិខិតឆ្លងដែនស្នាក់នៅ៦នាក់» ស្នងការដ្ឋាននគរបាលខេត្តកំពត បានឱ្យដឹងនៅរសៀលថ្ងៃអាទិត្យនេះថា ម្ចាស់ផ្ទះជួល នៅភូមិក្រាំង ឃុំត្រពាំងធំ ស្រុកទឹកឈូ ខេត្តកំពត ដែលជួលឱ្យជនបរទេសស្នាក់នៅដោយគ្មានលិខិតឆ្លងដែនចំនួន០៦ នាក់ ត្រូវពិន័យតាមច្បាប់ក្នុងម្នាក់ត្រូវពិន័យ៤លានរៀល សរុប០៦ នាក់ស្មើនឹង២៤លានរៀល។ ការបង់លុយពិន័យនេះ គឺម្ចាស់ផ្ទះជួលជាអ្នកបង់។ ស្នងការដ្ឋាននគរបាលខេត្តកំពត អំពាវនាវដល់ប្រជាពលរដ្ឋឱ្យមានការប្រុងប្រយ័ត្នក្នុងការជួលផ្ទះឱ្យជនបរទេសស្នាក់នៅដោយខុសច្បាប់ និងលួចប្រព្រឹត្តបទល្មើសឆបោកតាមប្រព័ន្ធបច្ចេកវិទ្យា(online scam)។