金边发生家庭暴力致伤及自杀悲剧

ប្ដីកាប់ប្រពន្ធរងរបួសធ្ងន់ ស្មានថាប្រពន្ធស្លាប់ បុរសជាប្ដីបានរត់ទៅចងកសម្លាប់ខ្លួនតាមក្រោយ តាមការបញ្ជាក់ពីប្រជាពលរដ្ឋនៅកន្លែងកើតហេតុបានឱ្យដឹងថា បុរសជាប្ដីតែងតែប្រចណ្ឌប្រពន្ធខ្លាំងពេក រហូតធ្វើឱ្យគ្រួសាររបស់ពួកគេឧស្សាហ៍មានជម្លោះជាមួយគ្នា។ ដោយទ្រាំនឹងស្ថានភាពមិនបាន ប្រពន្ធបានទៅដាក់ពាក្យបណ្ដឹងសុំលែងលះ។ នៅថ្ងៃកើតហេតុ បុរសជាប្ដីបានទៅសុំប្រពន្ធឱ្យត្រឡប់មកត្រូវគ្នាវិញ ប៉ុន្តែប្រពន្ធមិនព្រម ទើបធ្វើឱ្យបុរសជាប្ដីខឹងសម្បារ ហើយបានទាញកាំបិតកាប់ប្រពន្ធតែម្ដង។ ហេតុការណ៍នេះបានបង្កការភ្ញាក់ផ្អើលកាលពីវេលាម៉ោងប្រមាណ ១០:៣០នាទីយប់ ថ្ងៃទី៨ ខែតុលា ឆ្នាំ២០២៦ ស្ថិតនៅតាមបណ្ដោយផ្លូវជាតិលេខ៣ ក្នុងសង្កាត់ប្រទះឡាង ខណ្ឌកំបូល រាជធានីភ្នំពេញ។ ក្រោយកើតហេតុ សមត្ថកិច្ចមូលដ្ឋានបានចុះអន្តរាគមន៍ និងសហការជាមួយមន្ត្រីការិយាល័យបច្ចេកទេស និងវិទ្យាសាស្ត្រ នៃស្នងការដ្ឋាននគរបាលរាជធានីភ្នំពេញ ដើម្បីពិនិត្យ និងធ្វើកោសល្យវិច័យ ដើម្បីស្វែងរកមូលហេតុ និងព័ត៌មានពាក់ព័ន្ធនឹងករណីនេះ។ ចំណែកជនរងគ្រោះ ត្រូវបានសមត្ថកិច្ចចាត់ចែងតាមនីតិវិធី ដើម្បីប្រគល់ជូនក្រុមគ្រួសារ៕