柬埔寨政府启动行政法典制定工作 旨在提升行政透明度

[来源: 柬埔寨国家电视台] [分类提示: NEWS] 标题: ឯកឧត្តមឧបនាយករដ្ឋមន្រ្តីប្រចាំការ វង្សី វិស្សុត ដឹកនាំសិក្ខាសាលាកម្រិតជំនាញជាន់ខ្ពស់លើការរៀបចំក្រមរដ្ឋបាល ឬនីតិក្រមរដ្ឋបាល (ទីស្តីការគណៈរដ្ឋមន្រ្តី)៖ នាថ្ងៃទី១៩ ខែឧសភា ឆ្នាំ២០២៦ ឯកឧត្តម វង្សី វិស្សុត ឧបនាយករដ្ឋមន្ត្រីប្រចាំការ រដ្ឋមន្ត្រីទទួលបន្ទុកទីស្តីការគណៈរដ្ឋមន្ត្រី និងជាប្រធានគណៈកម្មាធិការដឹកនាំការកែទម្រង់ច្បាប់ បានចូលរួមជាអធិបតីបើក និងដឹកនាំ “សិក្ខាសាលាកម្រិតជំនាញជាន់ខ្ពស់លើការរៀបចំក្រមរដ្ឋបាលឬនីតិក្រមរដ្ឋបាល” ដោយមានវត្តមានចូលរួមពីឯកឧត្តមទេសរដ្ឋមន្ត្រី ឯកឧត្តមរដ្ឋមន្ត្រីប្រតិភូអមនាយករដ្ឋមន្រ្តី ឯកឧត្តមបណ្ឌិតសភាចារ្យ ឯកឧត្តមព្រឹទ្ធាចារ្យជំនាញផ្នែកច្បាប់ ឯកឧត្តម លោកជំទាវ លោក លោកស្រី ជាថ្នាក់ដឹកនាំនិងមន្រ្តីមកពីបណ្តាក្រសួង ស្ថាប័ន អង្គភាពពាក់ព័ន្ធ និងសាស្រ្តាចារ្យផ្នែកច្បាប់ ជាច្រើនរូប។ សិក្ខាសាលានេះត្រូវបានរៀបចំឡើងក្នុងគោលបំណងដើម្បីប្រមូលធាតុចូលសំខាន់ៗលើការរៀបចំក្រមរដ្ឋបាលឬនីតិក្រមរដ្ឋបាល ដែលជាឧបករណ៍គតិយុត្តមួយដ៏សំខាន់ឆ្លុះបញ្ចាំងពីទំនាក់ទំនងរវាងនីតិរដ្ឋបាលនិងនីតិរដ្ឋ។ ឯកឧត្តមឧបនាយករដ្ឋមន្រ្តីប្រចាំការ វង្សី វិស្សុត មានប្រសាសន៍បើកសិក្ខាសាលានេះថា ការរៀបចំក្រមរដ្ឋបាលឬនីតិក្រមរដ្ឋបាល គឺដើម្បីធានាសណ្តាប់ធ្នាប់គតិយុត្ត និងសណ្ដាប់ធ្នាប់ស្ថាប័ន នៃរដ្ឋបាលសាធារណៈ ព្រមទាំងលើកកម្ពស់ការគោរពច្បាប់ដោយអាជ្ញាធរសាធារណៈ (ការការពារនីត្យានុកូលភាព) ក្នុងគោលដៅបង្កើនជំនឿទុកចិត្តលើប្រព័ន្ធរដ្ឋបាលសាធារណៈពីសំណាក់សាធារណជននិងវិនិយោគិន និងអាចចាត់ទុកជាការបោះជំហានមួយថ្មីទៀត នៃកិច្ចការកែទម្រង់ច្បាប់ ស្របតាមក្របខ័ណ្ឌយុទ្ធសាស្ត្រនៃការកែទម្រង់ច្បាប់កម្ពុជា ដែលត្រូវបានដាក់ឱ្យអនុវត្តនៅឆ្នាំ២០២៥ ដោយសម្តេចមហាបវរធិបតី នាយករដ្ឋមន្រ្តី នៃព្រះរាជាណាចក្រកម្ពុជា ដើម្បីឈានឆ្ពោះទៅកាន់ការកសាងនូវប្រព័ន្ធច្បាប់កម្ព