金边甘布区媒体人遭暴徒袭击 警方已介入追捕

**លោកចាងហ្វាងព័ត៌មាន BMK «បងមិច» ត្រូវក្មេងទំនើងដេញធាក់ផ្តួលម៉ូតូ និងគប់ដុំថ្ម ខណៈអធិការខណ្ឌកំបូលបញ្ជាកម្លាំងស្រាវជ្រាវតាមចាប់ជាបន្ទាន់ ភ្នំពេញ៖ លោកចាងហ្វាងព័ត៌មាន BMK ដែលគេស្គាល់ថា «បងមិច» ត្រូវបានក្មេងទំនើងម្នាក់ ដេញធាក់ផ្តួលម៉ូតូ និងគប់ដុំថ្ម បង្កឱ្យមានការភ្ញាក់ផ្អើលនៅក្នុងមូលដ្ឋាន។ សំណាងល្អ លោកពុំទទួលរងរបួសធ្ងន់ធ្ងរ ឬគ្រោះថ្នាក់ដល់អាយុជីវិតនោះទេ។ ហេតុការណ៍នេះបានកើតឡើងនៅយប់ថ្ងៃទី០៦ ខែកក្កដា ឆ្នាំ២០២៦ តាមបណ្តោយផ្លូវបេតុង ស្ថិតក្នុងភូមិទួលតាឡាត់ សង្កាត់កំបូល ខណ្ឌកំបូល រាជធានីភ្នំពេញ។ ក្រោយទទួលបានព័ត៌មាន លោក ហុង ពិសិដ្ឋ អធិការនៃអធិការដ្ឋាននគរបាលខណ្ឌកំបូល បានបញ្ជាកម្លាំងជំនាញចុះធ្វើការស្រាវជ្រាវ និងប្រមូលភស្តុតាងភ្លាមៗ ដើម្បីកំណត់អត្តសញ្ញាណ និងតាមចាប់ក្មេងទំនើងដែលពាក់ព័ន្ធ យកមកផ្តន្ទាទោសតាមច្បាប់។ តាមព័ត៌មានបឋម ក្រោយធ្វើសកម្មភាពរួច ក្មេងទំនើងទាំងនោះបានជិះម៉ូតូរត់គេចខ្លួនពីកន្លែងកើតហេតុ ដោយសមត្ថកិច្ចកំពុងបន្តការស្រាវជ្រាវយ៉ាងយកចិត្តទុកដាក់ ដើម្បីឈានដល់ការបង្ក្រាប និងចាប់ខ្លួនជនសង្ស័យឱ្យបានឆាប់រហ័ស។ សមត្ថកិច្ចអំពាវនាវដល់ប្រជាពលរដ្ឋដែលមានព័ត៌មាន ពីជនបង្ក សូមផ្តល់កិច្ចសហការជាមួយអាជ្ញាធរ ដើម្បីជួយដល់ដំណើរការស្រាវជ្រាវ និងអនុវត្តច្បាប់ឱ្យមានប្រសិទ្ធភាព។**