柴桢省警方查获一名非法改装摩托车并扰民的青年，依法对其摩托车

ក្មេងទំនើងម្នាក់ ជិះដេកលើម៉ូតូ និងបំពាក់​បំពង់ស៊ីមាំងលឺខ្លាំង ត្រូវបាននគរបាល ឃាត់ម៉ូតូទុក​រយៈពេល ៣ខែ កម្លាំងប៉ុស្តិ៍នគរបាលរដ្ឋបាលសង្កាត់សង្ឃ័រ ឃាត់បានក្មេងទំនើងម្នាក់ ករណី នៅលើផ្លូវជាតិ​លេខ​១៣ ស្ថិតក្នុងភូមិធ្លក សង្កាត់សង្ឃ័រ ក្រុងស្វាយរៀង ខេត្តស្វាយរៀង។ ក្មេងទំនើងម្នាក់ឈ្មោះ ភឹម មិថុនា ភេទប្រុស អាយុ១៩ឆ្នាំ មុខរបរកម្មកររោងចក្រ មានទីលំ​នៅភូមិ​អង្គពក ឃុំម៉ឺនជ័យ ស្រុករំដួល ខេត្តស្វាយរៀង រួមទាំងម៉ូតូចំនួន០១គ្រឿង ម៉ាកម៉ិចសិនទ័រ ពណ៌​ក្រហម ស៊េរីឆ្នាំ២០២១ ពាក់ផ្លាកលេខ ភ្នំពេញ ១LG-៩៩៦០ ។ បន្ទាប់ពីធ្វើការសាកសួររួច មន្ត្រីជំនាញ បានធ្វើកិច្ចសន្យាអប់រំណែនាំឈ្មោះ ភឹម មិថុនា ឱ្យឈប់​ធ្វើសកម្មភាពដូចខាងលើបន្តទៀត រីឯម៉ូតូសមត្ថកិច្ចបានធ្វើការដកហូតរក្សាទុក​នៅ​អធិការដ្ឋាន​នគរបាលក្រុងស្វាយរៀងរយៈពេល០៣ខែ៕