商务部部长出席CAFE26农业展会开幕式

លោកជំទាវ ចម និម្មល រដ្ឋមន្ត្រីក្រសួងពាណិជ្ជកម្ម អញ្ជើញចូលរួមក្នុងពិធីបើក «វេទិកា និងពិព័រណ៍កសិកម្មកម្ពុជា ឆ្នាំ២០២៦ (CAFE 26)» ... (ភ្នំពេញ)៖ នាព្រឹកថ្ងៃសៅរ៍ ទី២៤ ខែតុលា ឆ្នាំ២០២៦ នៅមជ្ឈមណ្ឌលសន្និបាត និងពិព័រណ៍កោះពេជ្រ លោកជំទាវ ចម និម្មល រដ្ឋមន្ត្រីក្រសួងពាណិជ្ជកម្ម បានអញ្ជើញចូលរួមក្នុងពិធីបើក «វេទិកា និងពិព័រណ៍កសិកម្មកម្ពុជា ឆ្នាំ២០២៦ (CAFE 26)» ក្រោមអធិបតីភាព ឯកឧត្តម សុខ ចិន្តាសោភា ឧបនាយករដ្ឋមន្ត្រី តំណាងដ៏ខ្ពង់ខ្ពស់របស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា ដោយមានវត្តមានអញ្ជើញចូលរួមពី ឯកឧត្តម ឌិត ទីណា រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ ឯកឧត្តម ហែម វណ្ណឌី រដ្ឋមន្ត្រីក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ ឯកឧត្តម Francisco TIU LAUREL Jr. រដ្ឋមន្ត្រីក្រសួងកសិកម្មនៃសាធារណរដ្ឋហ្វ៊ីលីពីន លោកជំទាវ Ma. Cristina A. Roque រដ្ឋមន្ត្រីក្រសួងពាណិជ្ជកម្ម និងឧស្សាហកម្ម នៃសាធារណរដ្ឋហ្វីលីពីន ព្រមទាំង ឯកឧត្តម លោកជំទាវ អ្នកឧកញ៉ា ឧកញ៉ា លោក លោកស្រី ធុរជន វិនិយោគិន ក្រុមហ៊ុននាំចេញ និងភ្ញៀវកិត្តិយសជាតិ-អន្តរជាតិជាច្រើនរូប។ ក្នុងឱកាសនោះ លោកជំទាវរដ្ឋមន្ត្រី បានគូសបញ្ជាក់ថាការបន្តរៀបចំ “វេទិកា និងពិព័រណ៍កសិកម្មកម្ពុជា” នេះ គឺជាយន្តការមួយរួមចំណែកក្នុងការតភ្ជាប់ទីផ្សារទាំងក្នុង និងក្រៅប្រទេស តាមរយៈការផ្សព្វផ្សាយ ការដាក់តាំងបង្ហាញផលិតផល ការបង្កើតជំនួប និងកិច្ចសន្ទនារវាងកសិករ និងសិប្បកម្មផលិត កែច្នៃ ធុរជន វិនិយោគិន ក្រុមហ៊ុននាំចេញ ដៃគូអភិវឌ្ឍន៍ និងតួអង្គសំខាន់ៗដទៃទៀតក្នុងខ្សែច្រវាក់តម្លៃ ដែលនឹងបង្កើនឱកាសនៃការធ្វើធុរកិច្ច និងវិនិយោគក្នុងវិស័យកសិកម្ម និងកសិ-ស្បៀងអាហារនៅកម្ពុជាឱ្យកាន់តែទូលំទូលាយបន្ថែមទៀត។ ជាមួយគ្នានេះ លោកជំទាវរដ្ឋមន្ត្រី បានលើកឡើងអំពីវិធានការសំខាន់ៗរបស់ក្រសួងពាណិជ្ជកម្ម ក្នុងការផ្សារភ្ជាប់ និងលើកកម្ពស់ការតភ្ជាប់ខ្សែច្រវាក់ផ្គត់ផ្គង់ទីផ្សារក្នុងស្រុក ព្រមទាំងការជំរុញការនាំចេញទៅកាន់ទីផ្សារអន្តរជាតិ រួមមាន៖ ១. ឌីជីថលូបនីយកម្មសេវាសាធារណៈ៖ បន្តសមាហរណកម្មទៅក្នុងថ្នាល CamDX, ចេញវិញ្ញាបនបត្រ e-CO, និងប្រព័ន្ធទូទាត់កម្រៃសេវាតាមអនឡាញ/Mini App ២. សេវារហ័សសម្រាប់ការនាំចេញ (Express Services)៖ រៀបចំសេវារហ័សក្នុងការចេញវិញ្ញាបនបត្របញ្ជាក់ដើមកំណើតទំនិញ (CO) ក្នុងរយៈពេលត្រឹមតែ ៤ម៉ោង ៣. យុទ្ធនាការផលិតផលជាតិ #MadeInCambodia៖ មានផ្សារទំនើប ម៉ល ម៉ាត និងមីនីម៉ាតចូលរួម ៨៨៤ ផ្សារ និងយុទ្ធនាការ #MadeByHer ៤. ការជំរុញវត្ថុធាតុដើមក្នុងស្រុកតាមរយៈការចុះ MOU ជាមួយក្រុមហ៊ុនផលិតចំណីសត្វចំនួន ១០ ដើម្បីប្រមូលទិញពោតក្រហម ដំឡូងមី កញ្ចុងអង្ករ និងកន្ទក់ ៥. ការគាំទ្រកសិករខ្នាតតូច៖ សាងសង់ហេដ្ឋារចនាសម្ព័ន្ធទីផ្សារ ១៧២ កន្លែង ក្នុង ១៨ ខេត្ត សម្រេចបានកិច្ចសន្យាទិញ-លក់ ៩ ២៣៩ កិច្ចសន្យា ជាមួយកសិករ ៩.៥ ម៉ឺនគ្រួសារ និងរៀបចំ «ផ្សារផលិតផលខ្មែរ (ចុងសប្តាហ៍)» ៦. ការអភិវឌ្ឍផ្សារប្រមូលផ្តុំ (PPP)៖ រៀបចំផ្សារបោះដុំ និងផ្សារជាប់ព្រំដែន ដើម្បីរក្សាស្ថិរភាពថ្លៃ និងកាត់បន្ថយការចំណាយដឹកជញ្ជូន ៧. កម្មសិទ្ធិបញ្ញា និង Cambodia Certification Mark៖ ចុះបញ្ជីម៉ាកសមូហភាព/GI និងរៀបចំបង្កើតម៉ាកវិញ្ញាតកម្ម Cambodia Certification Mark ដើម្បីពង្រឹងគុណភាព និងបង្កើនទំនុកចិត្តលើផលិតផលខ្មែរ ៨. ពិពិធកម្មទីផ្សារ និងសន្តិសុខស្បៀង៖ អនុវត្តកិច្ចព្រមព្រៀងពាណិជ្ជកម្មសេរីសរុប ២៨ និង MOU សន្តិសុខស្បៀងជាមួយសិង្ហបុរី ៩. ការផ្សព្វផ្សាយលើឆាកអន្តរជាតិ៖ សម្របសម្រួលដាក់លក់ផលិតផលខ្មែរនៅលើទីផ្សារអន្តរជាតិប្រមាណ ២៣ ០០០ ទីតាំង ទូទាំងពិភពលោក។… 👉 [អានបន្ត](https://m.facebook.com/story.php?story_fbid=pfbid0NLt6b1GkRzMhkJtKgzkDT7zY85fc3kgZmwn3uHd3VXAn6cSZBsiCTZDfS5KD1cfml&id=100064434949568)… … ភ្ជាប់មកកាន់ក្រសួងពាណិជ្ជកម្ម តាមតំណភ្ជាប់ខាងក្រោម៖ Connect with Ministry of Commerce: 🌐 [Facebook ](https://web.facebook.com/moc.gov.kh) 🌐 [Telegram](https://t.me/mocnewsfeed) 🌐 [Website](https://www.moc.gov.kh/) 🌐 [YouTube](https://www.youtube.com/@mocgovkhcambodia) 🌐 [X (Twitter](https://twitter.com/MoCCambodia))