柬埔寨国家级运动员因酒驾事故面临退役

យុវតី ឡុន ស្រីនាត មានសង្ឃឹមតិចតួចក្នុងការវិលត្រឡប់មកវិស័យប្រដាល់វិញ សៀមរាប៖ រយៈពេលមួយឆ្នាំជាងហើយ យុវតី ឡុន ស្រីនាត ដែលអ្នកគាំទ្រប្រដាល់គុនខ្មែរស្គាល់ច្បាស់នូវឈ្មោះហៅក្រៅថា ជា សុខនាត បានសម្រាកព្យាបាលរបួស បន្ទាប់ពីគ្រោះថ្នាក់ចរាចរណ៍។ គ្រោះថ្នាក់នេះ បានកើតឡើងដោយបុរសម្នាក់ បើកបរបញ្ច្រាសក្នុងស្ថានភាពស្រវឹងនៅផ្លូវមួយ ស្ថិតនៅក្នុងភូមិក្រសាំងរលើង សង្កាត់សៀមរាប ក្រុងសៀមរាប នាយប់ថ្ងៃទី១៣ ខែវិច្ឆិកា ឆ្នាំ២០២៥។ ហេតុការណ៍ បានធ្វើឲ្យកីឡាការិនីជម្រើសជាតិឃីកប៊ុកស៊ីង ២រូប គឺ ជា សុខណា និង ជា សុខនាត រងរបួសធ្ងន់ធ្ងរ និងប្រឈមមុខក្នុងការចាកចេញពីអាជីពជាអ្នកប្រដាល់។ ដោយឡែក យុវតីវ័យ ១៩ឆ្នាំរូបនេះ កំពុងសម្រាកព្យាបាលនៅផ្ទះ ដែលស្ថិតនៅក្នុង ភូមិស្វាយចេក ឃុំស្វាយចេក ខេត្តសៀមរាប។ ជើងឆ្វេង ដែលបានបាក់នោះ បានតភ្ជាប់វិញ ប៉ុន្ដែមានសភាពប៉ោងឆ្អឹង។ ហើយផ្នែកស្មារតីវិញ សុខនាត នៅមិនទាន់ប្រក្រតីឡើងវិញឡើយ។ ពេលខ្លះ អាការធ្វើទុក្ខ ចុកចាប់ត្រង់ចំណុចក្បាលរបស់សុខនាត ដែលធ្វើឲ្យយុវតីរូបនេះ សម្រេចចិត្តកោរសក់។ សុខនាត មានសន្សំចិត្តចង់ឡើងប្រដាល់វិញពេលសះស្បើយ ខណៈអ្នកស្រី ចាន់ នាង លើកទឹកចិត្តឲ្យកូនសម្រាកព្យាបាលរបួសឲ្យជាសះសិន។ យ៉ាងណាមិញ សុខនាត មានសង្ឃឹមតិចតួចណាស់