柬埔寨国防部启动征兵工作 18至30岁男女青年可报名

📷 យុវជនជាច្រើនរូប ចុះឈ្មោះចូលបំពេញកាតព្វកិច្ចយោធា នៅខណ្ឌឫស្សីកែវ និងខណ្ឌជ្រោយចង្វារ ព្រឹកថ្ងៃទី ១ ខែតុលា ឆ្នាំ២០២៦នេះ ជាថ្ងៃដំបូង ដែលក្រសួងការពារជាតិ បានបើកឲ្យយុវជន-យុវនារី ស្ម័គ្រចិត្តចុះឈ្មោះចូលបំពេញកាតព្វកិច្ចយោធា នៅតាមបញ្ជាការដ្ឋានកងរាជអាវុធហត្ថក្រុង-ស្រុក-ខណ្ឌ ទូទាំងប្រទេស។ ជាក់ស្ដែង នៅមបញ្ជាការដ្ឋានកងរាជអាវុធហត្ថខណ្ឌឫស្សីកែវ និងខណ្ឌជ្រោយចង្វារ រាជធានីភ្នំពេញ គេសង្កេតឃើញយុវជន បានទៅចុះឈ្មោះបំពេញបែបបទចូលបំពេញកាតព្វកិច្ចយោធា ជាច្រើននាក់។ យោងតាម​ច្បាប់​ស្ដីពី​កាតព្វកិច្ចយោធាឆ្នាំ២០០៦ ពលរដ្ឋខ្មែរទាំង​ពីរ​ភេទដែល​មាន​អាយុ​ចាប់ពី​១៨ ​ដល់​ ៣០​ឆ្នាំ​ត្រូវ​បំពេញ​កាតាព្វកិច្ច​យោធា (ស្ត្រីភេទត្រូវ​ផ្អែកតាមការ​ស្ម័គ្រចិត្ត) ក្រោយ​ចប់ភារកិច្ច​ហើយ ​ត្រូវ​អនុញ្ញាត​ទៅកាន់​ជីវភាពស៊ីវិល​វិញ ប៉ុន្ដែ​ត្រូវ​ឋិត​ក្នុង​ក្របខណ្ឌ​យោធិនបម្រុង។ បើតាមគណៈកម្មាធិការជាតិកាតព្វកិច្ចយោធា ការចែកពាក្យ និងទទួលពាក្យ សុំចូលបំពេញកាតព្វកិច្ចយោធា នឹងប្រព្រឹត្តទៅតាមកាលបរិច្ឆេទកំណត់ ដោយការទទួលពាក្យធ្វើឡើងចាប់ពីថ្ងៃទី១ ដល់ថ្ងៃទី៩ ខែតុលា ឆ្នាំ២០២៦ និងការដាក់ពាក្យចាប់ពីថ្ងៃទី១០ ដល់ថ្ងៃទី១៥ ខែតុលា ឆ្នាំ២០២៦៕