司法部召开边境禁毒会议 强化口岸毒品查缉

ឯកឧត្តម ឯម ច័ន្ទមករា អញ្ជើញចូលរួមកិច្ចប្រជុំការពង្រឹងវិធានការ បង្ការ ទប់ស្កាត់ និងបង្ក្រាបគ្រឿងញៀនឆ្លងដែនតាមបណ្តាខេត្តជាប់ព្រំដែន និងច្រកទ្វារព្រំដែន ==================== (ភ្នំពេញ)៖ ដោយទទួលបានការចាត់តាំងដ៏ខ្ពង់ខ្ពស់ពីឯកឧត្តម កើត រិទ្ធ ឧបនាយករដ្ឋមន្ត្រី រដ្ឋមន្រ្តីក្រសួងយុត្តិធម៌, នៅព្រឹកថ្ងៃព្រហស្បតិ៍ ទី១២ ខែវិច្ឆិកា ឆ្នាំ២០២៦នេះ ឯកឧត្តម ឯម ច័ន្ទមករា រដ្ឋលេខាធិកាក្រសួងយុត្តិធម៌ និងអនុប្រធានគណៈកម្មការបង្ការ ទប់ស្កាត់ និងបង្ក្រាបគ្រឿងញៀនតាមបណ្តាខេត្តជាប់ព្រំដែន និងច្រកទ្វារព្រំដែន បានអញ្ជើញចូលរួមកិច្ចប្រជុំការពង្រឹងវិធានការ បង្ការ ទប់ស្កាត់ និងបង្ក្រាបគ្រឿងញៀនឆ្លងដែនតាមបណ្តាខេត្តជាប់ព្រំដែន និងច្រកទ្វារព្រំដែន ក្រោមអធិបតីភាព ឯកឧត្តមនាយឧត្តមសេនីយ៍ ម៉ក់ ជីតូ រដ្ឋលេខាធិការក្រសួងមហាផ្ទៃ។   ក្នុងរយៈពេល ១០ខែ ឆ្នាំ២០២៦ សមត្ថកិច្ចបានបង្ក្រាបបទល្មើសគ្រឿងញៀនសរុប ៩,៧៤៦ ករណី ឃាត់ខ្លួនជនល្មើស ២៦,៣៣៨ នាក់ (បរទេស ១,៣៤១ នាក់ មកពី ៣០ សញ្ជាតិ) និងរឹបអូសសារធាតុញៀនបានជាង ៥,៤៥៣ គីឡូក្រាម។ ការបង្ក្រាបរួមមាន៖ ជួញដូរក្នុងទម្រង់សម្អាតប្រាក់ ១,៣៣០ ករណី ជួញដូរតូចតាច ៤,២៣១ ករណី ប្រើប្រាស់ ៤,១៤៥ ករណី កែច្នៃ ១៥ ករណី និងដាំដុះ ១ ករណី។ ចំពោះបទល្មើសតាមបញ្ញើប្រៃសណីយ៍ ត្រូវបានបង្ក្រាប ៨ ករណី ដែលផ្ញើទៅកាន់គោលដៅដូចជា អូស្ត្រាលី អង់គ្លេស ចិន និងអារ៉ាប់រួម ដោយចាប់ខ្លួនជនសង្ស័យ ៨ នាក់ និងរឹបអូសហេរ៉ូអ៊ីន ៤.៨ គីឡូក្រាម។ កិច្ចសហប្រតិបត្តិការអន្តរជាតិមានការលេចធ្លោ ដូចជាករណី 0324C សហការជាមួយវៀតណាម រឹបអូសគ្រឿងញៀនជិត ១.៦ តោន និងករណី 0526C សហការជាមួយ DEA អាមេរិក។ ទិសដៅបន្ទាប់ អាជ្ញាធរនឹងបន្តពង្រឹងការផ្លាស់ប្តូរព័ត៌មាន បង្ក្រាបមេខ្លោង ត្រួតពិនិត្យការនាំចូលសារធាតុគីមី និងផ្សព្វផ្សាយអប់រំនៅតាមខេត្តព្រំដែន ក្រោមគោលនយោបាយ «ភូមិ-ឃុំ-សង្កាត់ មានសុវត្ថិភាព»៕