柬埔寨卫生部探讨传统医学研究中心优先事项

កិច្ចប្រជុំពិភាក្សា ស្តីពីសកម្មភាពអាទិភាព នៅមជ្ឈមណ្ឌលជាតិស្រាវជ្រាវវេជ្ជសាស្ត្របុរាណ។ —— រាជធានីភ្នំពេញ៖ រសៀលថ្ងៃពុធ ទី២ ខែកញ្ញា ឆ្នាំ២០២៦ ឯកឧត្តមសាស្ត្រាចារ្យ ឈាង សេនា ទីប្រឹក្សាក្រសួងសុខាភិបាល បានអញ្ជើញចូលរួមដឹកនាំកិច្ចប្រជុំពិភាក្សា ស្តីពីសកម្មភាពអាទិភាព នៅមជ្ឈមណ្ឌលជាតិស្រាវជ្រាវវេជ្ជសាស្ត្របុរាណ។ កិច្ចប្រជុំពិភាក្សានេះ ផ្តោតលើចំណុចមួយចំនួនដូចតទៅ៖ ១-បន្តពិនិត្យ និងកែលម្អសៀវភៅ «ប្រវត្តិវេជ្ជសាស្រ្ត និងឱសថសាស្រ្តបូរាណ» ២-សិក្សា និងរៀបចំផែនការសម្រាប់គម្រោង Encyclopedia រុក្ខជាតិឱសថ និងការរៀបចំ Monographs ជាប្រព័ន្ធ ៣-ពង្រឹងកិច្ចសហការជាមួយគ្រឹះស្ថានឧត្តមសិក្សា ក្នុងការដឹកនាំ និងណែនាំនិស្សិតធ្វើនិក្ខេបបទ និងការស្រាវជ្រាវ ៤-ចូលរួមរៀបចំ និងអភិវឌ្ឍកម្មវិធីសិក្សា (Curriculum) ៥-បន្តដំណើរការរៀបចំ ផែនការយុទ្ធសាស្ត្រ និងផែនការសកម្មភាពរបស់មជ្ឈមណ្ឌលជាតិ ដោយមានការចូលរួមពីអ្នកជំនាញ និងភាគីពាក់ព័ន្ធ។ កិច្ចប្រជុំនេះមានការអញ្ជើញចូលរួមពី ថ្នាក់ដឹកនាំ មន្ត្រីពាក់ព័ន្ធនៃមជ្ឈមណ្ឌលជាតិស្រាវជ្រាវវេជ្ជសាស្ត្របុរាណ។ **🌐**[Website](https://moh.gov.kh/kh/home) 📱[Facebook](https://www.facebook.com/MinistryofHealthofCambodia?mibextid=ZbWKwL) 📱[Telegram](https://t.me/MOHCambodia) 📱[X (twitter)](https://x.com/MohCambodia) 📱[Tiktok](https://www.tiktok.com/@mohcambodia) 📱[YouTube](https://www.youtube.com/@MOHCambodia)