金边反腐败局查获26吨泰国违规食品 涉及31个仓库

**៣ថ្ងៃ ក.ប.ប. ភ្នំពេញ ចុះត្រួតពិនិត្យ ៣១ទីតាំង រកឃើញទំនិញថៃជាង ១១២មុខ សរុប ២៣តោន និងផ្លែឈើខូចគុណភាពជាង ៣តោន** ភ្នំពេញ៖ ក្នុងរយៈពេល ៣ថ្ងៃ (ថ្ងៃទី១២-១៤ មិថុនា ២០២៦) មន្ត្រីសាខា ក.ប.ប. រាជធានីភ្នំពេញ សហការជាមួយសមត្ថកិច្ចពាក់ព័ន្ធ និងអាជ្ញាធរខណ្ឌទាំង៨ បានចុះត្រួតពិនិត្យទីតាំងស្តុក និងចែកចាយសាច់បង្កក និងផលិតផលម្ហូបអាហារចំនួន ៣១ទីតាំង ដោយផ្តោតលើការស្វែងរកសារធាតុគីមីហាមឃាត់ និងការអនុលោមតាមបទប្បញ្ញត្តិបច្ចេកទេស។ ជាលទ្ធផល មន្ត្រីជំនាញបានរកឃើញទំនិញមានប្រភពដើមពីប្រទេសថៃចំនួន ១១២មុខ សរុប ២៣,២៤៥គីឡូក្រាម និងផ្លែឈើខូចគុណភាព ២០៤កេស ស្មើនឹង ៣,២៦៤គីឡូក្រាម ព្រមទាំងបានឃាត់ទុកផលិតផលមួយចំនួនជាបណ្តោះអាសន្ន ដើម្បីចាត់វិធានការតាមនីតិវិធី។ អគ្គនាយកដ្ឋាន ក.ប.ប. អំពាវនាវដល់អាជីវករនាំចូល និងចែកចាយផលិតផលម្ហូបអាហារ អនុវត្តឱ្យបានត្រឹមត្រូវតាមច្បាប់ និងស្តង់ដារបច្ចេកទេស ខណៈប្រជាពលរដ្ឋអាចរាយការណ៍ ឬដាក់ពាក្យបណ្តឹងបានគ្រប់ពេល តាមរយៈ CCF Complaint App ឬទូរស័ព្ទលេខ ១២៦៦។