柬埔寨电力公司补贴5500万美元 确保5月至6月电价不涨

អគ្គិសនីកម្ពុជាបន្តចេញថ្លៃខាតប្រមាណ២០លានដុល្លារទៀតក្នុងខែឧសភា និងខែមិថុនា ឆ្នាំ២០២៦នេះ ដើម្បីរ៉ាប់រងថ្លៃអគ្គិសនីរបស់អតិថិជនមិនឱ្យទ្បើងថ្លៃ។ បើបូកការចេញខាតចំនួន៣៥លានដុល្លារកាលពីខែមីនា និងខែមេសា ការចំណាយបន្ថែមសរុបរយៈពេល៤ខែនេះដើម្បីទិញប្រេងខ្មៅ និងធ្យូងថ្មមកផលិតអគ្គិសនី គឺមានចំនួនប្រមាណ៥៥លានដុល្លារ។ នេះបើតាមលោក ប្រាំង ជលសា ប្រតិភូរាជរដ្ឋាភិបាលទទួលបន្ទុកជាអគ្គនាយកអគ្គិសនីកម្ពុជា។   កម្ពុជានាំចូលប្រេងភាគច្រើនមកពីប្រទេសសិង្ហបុរី និងបន្តិចបន្តួចមកពីប្រទេសម៉ាទ្បេស៊ី ខណៈធ្យូងថ្មត្រូវបាននាំចូលទាំងស្រុងពីប្រទេសឥណ្ឌូនេស៊ី។ អគ្គិសនីកម្ពុជាបានគ្រោងទិញប្រេងប្រើប្រាស់ក្នុងឆ្នាំ២០២៦ ប្រមាណជា២០ម៉ឺនតោន ចំណាយប្រហែលជាង១០០លានដុល្លារ គឺប្រមាណ៤%នៃថ្លៃដើម។   ទស្សនាកិច្ចសម្ភាសផ្តាច់មុខនេះទាំងស្រុង ▶️ https://www.youtube.com/watch?v=s1p3kqmCtu4