S-21监狱幸存者布·孟离世 柬埔寨各界举行悼念

[来源: 柬埔寨国家电视台] [分类提示: NEWS] 标题: ឯកឧត្តម ក្រាញ់ តូនី ដឹកនាំគណៈប្រតិភូ អ.វ.ត.ក. ចូលរួមពិធីបុណ្យទក្ខិនានុប្បទានគំរប់គម្រប់ខួប ៧ថ្ងៃ សពលោក ប៊ូ ម៉េង នារសៀលថ្ងៃពុធ ទី១៩ ខែសីហា ឆ្នាំ២០២៦ ឯកឧត្តម ក្រាញ់ តូនី រដ្ឋលេខាធិការទីស្ដីការ គណៈរដ្ឋមន្ដ្រី និងជាប្រធានរដ្ឋបាលស្ដីទី អ.វ.ត.ក. បានអញ្ជើញដឹកនាំគណៈប្រតិភូ អ.វ.ត.ក. ចូលរួមក្នុងពិធីបុណ្យទក្ខិនានុប្បទានគម្រប់ខួប ៧ថ្ងៃ សពលោក ប៊ូ ម៉េង អតីតអ្នករស់រានមានជីវិតមួយរូបពីមន្ទីរសន្ដិសុខ ស-២១។ ពិធីនេះបានប្រព្រឹត្ដទៅនៅភូមិធម្មត្រ័យ ឃុំផ្សារដែក ស្រុកពញាឮ ខេត្តកណ្តាល។ ស្ថិតក្នុងកាលវេលាដ៏ក្រៀមក្រំនេះ ឯកឧត្តម ក្រាញ់ តូនី និងគណប្រតិភូបានបង្ហាញនូវសមានចិត្តចូលរួមរំលែកទុក្ខចំពោះការបាត់បង់ដ៏ធំធេងនេះ។ ឯកឧត្តមបានលើកឡើងថា មរណភាពរបស់លោក ប៊ូ ម៉េង គឺជាការបាត់បង់នូវសាក្សីប្រវត្តិសាស្ត្រដ៏សំខាន់មួយរូបចំពោះឧក្រិដ្ឋកម្មដ៏ធ្ងន់ធ្ងរដែលបានប្រព្រឹត្តឡើងក្នុងរបបដ៏ឃោរឃៅប្រល័យពូជសាសន៍ខ្មែរក្រហម ជាពិសេសចំពោះប្រវត្តិនិងសោកនាដកម្មដែលបានកើតឡើងនៅអតីតមន្ទីរសន្ដិសុខ ស-២១ (គុកទួលស្លែង) ក្នុងរបបខ្មែរក្រហម។ ជាមួយគ្នានេះ ឯកឧត្តមប្រធានរដ្ឋបាលស្ដីទី អ.វ.ត.ក. បានរំលេចពីការរួមចំណែកយ៉ាងសំខាន់របស់លោក ប៊ូ ម៉េង ក្នុងនាមជាដើមបណ្ដឹងរដ្ឋប្បវេណីក្នុងសំណុំរឿង ០០១ និងសំណុំរឿ ០០២ នៅចំពោះមុខអង្គជំនុំជម្រះវិសាមញ្ញក្នុងតុលាការកម្ពុជា។ ការចូលរួមរបស់លោក ប៊ូ ម៉េង បានរួមចំណែកដល់ដំណើរការស្វែងរកយុត្តិធម៌ ការបង្ហាញការពិតអំពីឧក្រិដ្ឋកម្មដែលបានកើតឡើងក្នុងរបបខ្មែរក្រហម និងជួយបន្សល់ទុកនូវសក្ខីកម្មប្រវត្តិសាស្ត្រដ៏មានតម្លៃសម្រាប់មនុស្សជំនាន់ក្រោយ។ សូមបញ្ជាក់ថា លោក ប៊ូ ម៉េង ដែលជាអ្នករស់រានមានជីវិតម្នាក់ក្នុងចំណោមអ្នករស់រានមានជីវិត៧នាក់ចុងក្រោយពីមន្ទីរ ស-២១ ដោយសារជំនាញផ្នែកគំនូររបស់លោក។  អស់រយៈពេលជាច្រើន ទសវត្សរ៍កន្លងមក លោកបានរស់នៅជាមួយរបួសផ