皇家金边大学媒体系携手洪玛尼基金会 拍摄残疾人运动员纪录片

🤝កិច្ចសហការរវាង **DMC** និងមូលនិធិម៉ានី ក្នុងគម្រោងផលិតវីដេអូបំផុសស្មារតីស្តីពីវីរកីឡាករប៉ារ៉ាឡាំពិកកម្ពុជា🎞 នាព្រឹកថ្ងៃទី០៩ ខែកក្កដា ឆ្នាំ២០២៦ កម្មវិធីជំនួបពិភាក្សា និងតម្រង់ទិស ក្រោមប្រធានបទ «ការផលិតវីដេអូបំផុសស្មារតី និងកិច្ចសម្ភាសន៍ពិសេស ស្តីពីដំណើរជីវិត និងជោគជ័យរបស់វីរកីឡាករប៉ារ៉ាឡាំពិកកម្ពុជា» បានប្រព្រឹត្តទៅនៅមជ្ឈមណ្ឌលជាតិនៃជនពិការតេជោសែន។ ក្រោមការចង្អុលបង្ហាញដ៏ខ្ពង់ខ្ពស់ពីសំណាក់ ឯកឧត្តម ហ៊ុន ម៉ានី ស្ថាបនិក និងជាប្រធានក្រុមប្រឹក្សាភិបាលនៃមូលនិធិម៉ានី ដឹកនាំកម្មវិធីដោយលោក លី ឧត្តម នាយកប្រតិបត្តិនៃមូលនិធិម៉ានី ព្រមទាំងទទួលបានការគាំទ្រយ៉ាងពេញទំហឹងពី ឯកឧត្តម យី វាសនា អគ្គលេខាធិការនៃគណៈកម្មាធិការជាតិប៉ារ៉ាឡាំពិកកម្ពុជា។ ដេប៉ាតឺម៉ង់ប្រព័ន្ធផ្សព្វផ្សាយ និងសារគមនាគមន៍ (DMC) បានសហការជាផ្លូវការជាមួយមូលនិធិម៉ានី ក្នុងការផលិតវីដេអូឯកសារបំផុសស្មារតីចំនួន៣ ក្រោមប្រធានបទ ដំណើរជីវិត និងជោគជ័យរបស់វីរកីឡាករប៉ារ៉ាឡាំពិកកម្ពុជា ដោយមានការចូលរួមពីអត្តពលិក និងប្អូនៗនិស្សិត DMC។ #RUPP #DMC #TheManyFoundation #Paralympic #documentaryfilm