司法部研讨争议焦点认定教材 供法官检察官培训使用

ឯកឧត្តម តាន់ហ៊ាង ដាវ័ណ្ណ រដ្ឋលេខាធិការក្រសួងយុត្តិធម៌ បានអញ្ជើញចូលរួមបើកសិក្ខាសាលាផ្សព្វផ្សាយឯកសារអបរំស្ដីពី «នីតិវិធីត្រៀមសម្រាប់ការទាញហេតុផល(បច្ចេកទេសក្នុងការកំណត់ចំណុចវិវាទ)» ===================== ដោយទទួលបានការអនុញ្ញាតដ៏ខ្ពង់ខ្ពស់ពី ឯកឧត្តម កើត រិទ្ធ ឧបនាយកដ្ឋមន្រ្តី រដ្ឋមន្រ្តីក្រសួងយុត្តិធម៌, កាលពីថ្ងៃសុក្រ ៤រោច ខែអស្សុជ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី៣០ ខែតុលា ឆ្នាំ២០២៦ ឯកឧត្តម តាន់ហ៊ាង ដាវ័ណ្ណ រដ្ឋលេខាធិការក្រសួងយុត្តិធម៌បានអញ្ជើញចូលរួមបើកសិក្ខាសាលាផ្សព្វផ្សាយឯកសារអបរំស្ដីពី «នីតិវិធីត្រៀមសម្រាប់ការទាញហេតុផល(បច្ចេកទេសក្នុងការកំណត់ចំណុចវិវាទ)» ដែលរៀបចំឡើងដោយកិច្ចសហប្រតិបត្តិការរវាងក្រសួងយុត្តិធម៌ បណ្ឌិត្យសភាភូមិន្ទយុត្តិធម៌កម្ពុជា និងទីភ្នាក់ងារសហប្រតិបត្ដិការអន្ដរជាតិ​ជប៉ុន (JICA) ប្រចាំក្រសួងយុត្តិធម៌  ក្រោមគម្រោងអភិវឌ្ឍន៍វិស័យច្បាប់និងយុត្តិធម៌ ជំហានទី៦។ សិក្ខាសាលាខាងនេះ មានការចូលរួមពីសំណាក់ចៅក្រមតុលាការកំពូល ចៅក្រមសាលាឧទ្ធរណ៍ និងចៅក្រមតាមសាលាដំបូងរាជធានីខេត្ត ប្រមាណចំនួន ១៥០រូប។ ការរៀបចំសិក្ខាសាលានេះ ក្នុងគោលបំណងផ្សព្វផ្សាយ សៀវភៅមេរៀនស្ដីពី **“នីតិវិធីត្រៀមសម្រាប់ការទាញហេតុផល (បច្ចេកទេសក្នុងការកំណត់ចំណុចវិវាទ)” **ដែលត្រូវបានតាក់តែងឡើងក្រោមកិច្ចសហប្រតិបត្តិការរវាងក្រសួងយុត្ដិធម៌ និងទីភ្នាក់ងារសហប្រតិបត្ដិការអន្ដរជាតិជប៉ុន (JICA) ដែលត្រូវបានរៀបចំឡើងដោយ **ក្រុមការងារបច្ចេកទេសដើម្បីអនុវត្ដផែនការប្រតិបត្ដិការ និងតារាងផែនការសកម្មភាពនៃគម្រោងអភិវឌ្ឍន៍វិស័យច្បាប់ និងយុត្ដិធម៌ជំហានទី៦។ **សៀវភៅមេរៀននេះ ត្រូវបានរៀបចំឡើងក្នុងគោលបំណងសម្រាប់ប្រើប្រាស់ជាឯកសារដ៏សំខាន់សម្រាប់ការបណ្ដុះបណ្ដាលដំបូងរបស់សាលាភូមិន្ទចៅក្រម និងព្រះរាជអាជ្ញា​នៃបណ្ឌិត្យសភាភូមិន្ទយុត្ដិធម៌កម្ពុជា ព្រមទាំងអាចត្រូវបានប្រើប្រាស់ជាមូលដ្ឋានសម្រាប់អ្នកប្រកបវិជ្ជាជីវៈច្បាប់ សិស្ស និស្សិត និងអ្នកសិក្សាស្រាវជ្រាវ។