桔井省坎皮深潭新增1头幼豚 湄公河淡水豚总数达118头

ស្វាគមន៍ផ្សោតកើតថ្មី១ក្បាលទៀត នៅអន្លង់ផ្សោតកាំពី ខេត្តក្រចេះ កូនផ្សោតទើបកើតថ្មីចំនួន១ក្បាលទៀត ត្រូវបានប្រទះឃើញកំពុងហែលលេង ជាមួយក្រុមសត្វផ្សោតពេញវ័យប្រមាណ៦ក្បាលផ្សេងទៀត នៅអន្លង់ផ្សោតកាំពី ក្នុងភូមិកាំពី ឃុំសំបុក ស្រុកចិត្របុរី ខេត្តក្រចេះ នារសៀលថ្ងៃទី២៧ ខែមេសា។ បើតាមអ្នកជំនាញ កូនផ្សោតនេះ មានអាយុប្រមាណ៣ថ្ងៃ មានសុខភាពល្អ ។ នេះគឺជាកូនផ្សោតទី៦ហើយ ដែលត្រូវបានកត់ត្រានៅដើមឆ្នាំ២០២៦។ វត្តមានថ្មីនៃកូនផ្សោតនេះ បានធ្វើឱ្យចំនួនសត្វផ្សោតទន្លេមេគង្គនៅកម្ពុជា កើនឡើងដល់ចំនួនសរុប ១១៨ក្បាល។