柬埔寨商务部与俄罗斯FESCO探讨物流合作 提升货运连接

ឯកឧត្តម លឹម ផាន់ភារៈ អនុរដ្ឋលេខាធិការក្រសួងពាណិជ្ជកម្ម ជួបពិភាក្សាការងារជាមួយលោក Sergey Sidorov អគ្គនាយករងទទួលបន្ទុកទំនាក់ទំនងរដ្ឋាភិបាល និងសាធារណៈ នៃក្រុមហ៊ុនភស្តុភារកម្ម FESCO ... (វ្ល៉ាឌីវ៉ូស្តុក, សហព័ន្ធរុស្ស៊ី)៖ នារសៀល ថ្ងៃព្រហស្បតិ៍ ទី៣ ខែកញ្ញា ឆ្នាំ២០២៦ ឯកឧត្តម លឹម ផាន់ភារៈ អនុរដ្ឋលេខាធិការក្រសួងពាណិជ្ជកម្ម បានជួបពិភាក្សាការងារជាមួយ លោក Sergey Sidorov អគ្គនាយករងទទួលបន្ទុកទំនាក់ទំនងរដ្ឋាភិបាល និងសាធារណៈ នៃក្រុមហ៊ុនភស្តុភារកម្ម FESCO ដើម្បីពិនិត្យលទ្ធភាពបង្កើតកិច្ចសហប្រតិបត្តិការរវាងកម្ពុជា និងក្រុមហ៊ុន FESCO ស្តីពីការអភិវឌ្ឍវិស័យភស្តុភារកម្ម និងការតភ្ជាប់ផ្លូវដឹកជញ្ជូនរវាងកម្ពុជា-រុស្ស៊ី។ សូមបញ្ជាក់បន្ថែមថា FESCO បានចាប់ផ្តើមសេវាដឹកជញ្ជូនកុងតឺន័រតាមផ្លូវសមុទ្រកម្ពុជា-រុស្ស៊ី កាលពីថ្ងៃទី១៩ ខែកុម្ភៈ ឆ្នាំ២០២៦ ហើយសេវាកម្មនេះដំណើរការពីរាជធានីភ្នំពេញទៅទីក្រុងហូជីមិញ តាមផ្លូវទឹកក្នុងប្រទេស និងពីទីក្រុងហូជីមិញទៅទីក្រុងវ្ល៉ាឌីវ៉ូស្តុក តាមរយៈខ្សែផ្លូវផ្ទាល់ទៅវៀតណាមរបស់ FESCO។ ពីទីក្រុងវ្ល៉ាឌីវ៉ូស្តុក ទំនិញអាចបន្តដឹកជញ្ជូនតាមផ្លូវដែកទៅកាន់រដ្ឋធានីមូស្គូ សាំងពេទឺប៊ឺគ ណូវ៉ូស៊ីប៊ីស្ក យេកាតេរិនប៊ឺគ កាហ្សាន និងគោលដៅផ្សេងៗទៀតក្នុងប្រទេសរុស្ស៊ី និងបណ្តាប្រទេសនៃសហគមន៍រដ្ឋឯករាជ្យ (CIS)​ ដោយប្រើប្រាស់រយៈពេលដឹកជញ្ជូនជាមធ្យមពីរាជធានីភ្នំពេញទៅទីក្រុងវ្ល៉ាឌីវ៉ូស្តុក គឺ ១២ថ្ងៃ ខណៈការដឹកជញ្ជូនលើកដំបូងទៅកាន់រដ្ឋធានីមូស្គូបានចំណាយពេល ៣២ថ្ងៃ៕ … ភ្ជាប់មកកាន់ក្រសួងពាណិជ្ជកម្ម តាមតំណភ្ជាប់ខាងក្រោម៖ Connect with Ministry of Commerce: 🌐 [Facebook ](https://web.facebook.com/moc.gov.kh) 🌐 [Telegram](https://t.me/mocnewsfeed) 🌐 [Website](https://www.moc.gov.kh/) 🌐 [YouTube](https://www.youtube.com/@mocgovkhcambodia) 🌐 [X (Twitter](https://twitter.com/MoCCambodia))