越南北部洪灾及山体滑坡致3人死亡

វៀតណាម៖ គ្រោះទឹកជំនន់ និងបាក់ដីនៅភាគខាងជើង សម្លាប់មនុស្ស ៣នាក់ និងលិចផ្ទះជាង ១៦,៣១០ ខ្នង ....... យោងតាមការចេញផ្សាយរបស់សារព័ត៌មាន VN Express គិតត្រឹមព្រឹកថ្ងៃសុក្រ ទី១៨ ខែកញ្ញា ឆ្នាំ២០២៦ បណ្តាខេត្តនៅភាគខាងជើងប្រទេសវៀតណាម រួមមាន Thanh Hoa, Ninh Binh, Nghe An, Phu Tho និងរដ្ឋធានីហាណូយ កំពុងរងគ្រោះធ្ងន់ធ្ងរដោយសារព្យុះភ្លៀង ទឹកជំនន់ និងការបាក់ដី។ ទំហំនៃការខូចខាត និងផលប៉ះពាល់សំខាន់ៗ៖ - គ្រោះថ្នាក់ដល់អាយុជីវិត៖ មនុស្ស ៣នាក់បានបាត់បង់ជីវិតដោយសារគ្រោះបាក់ដី នៅក្នុងឃុំ Da Bac ខេត្ត Phu Tho ព្រមទាំងបង្កឱ្យហេដ្ឋារចនាសម្ព័ន្ធផ្លូវថ្នល់ជាច្រើនកន្លែងត្រូវកាត់ផ្តាច់ និងកកស្ទះចរាចរណ៍យ៉ាងខ្លាំង។ - លំនៅឋាន និងអគារសិក្សា៖ ផ្ទះសម្បែងសរុបចំនួន ១៦,៣១០ ខ្នង និងសាលារៀនចំនួន ១៥ កន្លែង ត្រូវបានទឹកជន់លិច។ - វិស័យកសិកម្ម និងហេដ្ឋារចនាសម្ព័ន្ធ៖ ផ្ទៃដីស្រែ និងដំណាំបន្លែ ២២,៤៩៩ ហិកតា រួមទាំងដំណាំផ្សេងៗ ២,១៧២ ហិកតា ត្រូវរងការខូចខាត។ បន្ថែមពីនេះ ផ្ទៃដីវារីវប្បកម្មជាង ១,១៧៥ ហិកតា រងផលប៉ះពាល់ និងប្រឡាយស្រោចស្រពប្រវែងជិត ២,០០០ ម៉ែត្រ ត្រូវច្រោះបាក់ធ្ងន់ធ្ងរ។ (ប្រភព៖ VN Express) 🌐[PNS News Cambodia](https://www.facebook.com/share/18PwN6TuDX/) 🌐[PNS News Cambodia](https://t.me/pnsnewscambodia) 🌐[PNS_News​_Cambodia](https://www.tiktok.com/@pnsnews_cambodia?_r=1&_t=ZS-99L97djyBAW)