洪森呼吁政府机构加强网络道德监管 严打网络诽谤

សម្តេចតេជោ ហ៊ុន សែន ប្រធានព្រឹទ្ធសភាសង្កត់ធ្ងន់ថា បណ្តាញសង្គម Facebook TikTok និង AI មានក្រមសីលធម៌ខ្ពស់ ហេតុអ្វីក្រសួងស្ថាប័នរបស់រដ្ឋមិនព្រមធ្វើរឿងសីលធម៌? ខណៈការជេរបញ្ចោគ្នាលើបណ្ដាញសង្គម ក្លាយជាភាសាដ៏ពេញនិយមសម្រាប់បុគ្គលមួយចំនួន និន្នាការបែបនេះកំពុងធ្វើឱ្យប៉ះពាល់ដល់តម្លៃសង្គម។ ត្រង់ចំណុចនេះ សម្តេចបានចោទជាសំណួរថា ហេតុអ្វីបានជាក្រសួង ស្ថាប័នរបស់រដ្ឋមិនព្រមធ្វើរឿងសីលធម៌នេះឱ្យបានខ្ពស់ដូចគ្នា ដែលបណ្តាញសង្គមធំៗបានដាក់ចេញពាក់ព័ន្ធនឹងបញ្ហាក្រមសីលធម៌នេះ។ កម្មវិធីបណ្តាញសង្គម Facebook និង Tiktok គឺមានក្រមសីលធម៌ និងគោលការណ៍ច្បាស់លាស់ ប្រសិនបើអ្នកលេងបង្ហោះសារ ឬចែកចាយវីដេអូ និងរូបភាពបំពានដែលគោលការណ៍ច្បាស់ណាស់នឹងមានសារព្រមាន ឬផ្អាកដំណើរតែម្តង។ ពាក់ព័ន្ធនឹងការបញ្ហានេះ សម្ដេចតេជោ ហ៊ុន សែន បានណែនាំដល់ក្រសួងព័ត៌មាន ត្រូវមើលឱ្យច្បាស់ និងតាមដានឱ្យជាប់ពាក់ព័ន្ធការជេរបញ្ចោរគ្នាតាមបណ្តាញសង្គម ហើយណែនាំឱ្យក្រសួង-ស្ថាប័នពាក់ព័ន្ធរៀបចំយន្តការតាមដាន និងចាត់វិធានការចំពោះអ្នកជេរបរិហារកេរ្តិ៍គ្នាតាមបណ្ដាញសង្គម ដើម្បីការពារសេចក្ដីថ្លៃថ្នូរ និងលើកកម្ពស់សីលធម៌ស្ត្រី។ [**Join AMS One-minute**](https://t.me/ams1minute)