洪玛尼率团访问越南 推动青年交流与教育合作

រសៀលថ្ងៃទី២៦ ខែកញ្ញា ឆ្នាំ២០២៦ ឯកឧត្តម ហ៊ុន ម៉ានី ប្រធានសហភាពសហព័ន្ធយុវជនកម្ពុជា បានដឹកនាំគណ:ប្រតិភូយុវជនកម្ពុជា ចូលរួមក្នុងកិច្ចពិភាក្សាជាមួយនឹងថ្នាក់ដឹកនាំ និងនិស្សិត (ខ្មែរ និងវៀតណាម) នៅសាកលវិទ្យាល័យជាតិវៀតណាម (ទីក្រុងហាណូយ)។ មានប្រសាសន៍ស្វាគមន៍គណៈប្រតិភូកម្ពុជានាពេលនោះ លោកបណ្ឌិតសាស្រ្តាចារ្យរង ង្វៀន ហៀម សាកលវិទ្យាធិការរង (អចិន្រ្តៃយ៍ )បានសំដែងនូវក្តីសោមនស្សរីករាយ ដោយបានទទួលដំណើររបស់គណៈប្រតិភូកម្ពុជានាពេលនេះ។ លោកបណ្ឌិតសាកលវិទ្យាធិការរង បានបញ្ជាក់ថា ការអញ្ជើញមកដល់របស់គណៈប្រតិភូកម្ពុជា ជាការបង្ហាញឲ្យឃើញនូវការយកចិត្តទុកដាក់លើវិស័យសិក្សាធិការ ហើយក៏ជាការបង្ហាញនូវឆន្ទៈមុះមុតរបស់គណប្រតិភូ ក្នុងការបន្តពូនជ្រំកិច្ចសហប្រតិបត្តិការលើវិស័យអប់រំរវាងប្រទេសទាំងពីរ។ លោកបណ្ឌិតសាកលវិទ្យាធិការរង បានគូសបញ្ជាក់បន្ថែមថា ពិតណាស់ យុវជនរបស់យើងនៅពេលនេះ រស់នៅក្នុងសន្តិភាព និងឱកាស ប៉ុន្តែពួកគេក៏កំពុងតែរស់នៅក្នុងបញ្ហាប្រឈមផងដែរ ជាពិសេសការវិវឌ្ឍយ៉ាងឆាប់រហ័សនៃវិស័យបច្ចេកវិទ្យាព័ត៌មាន។ ក្នុងន័យនេះ យុវជននៃប្រទេសទាំងពីរ ត្រូវរួមគ្នាស្វែងរកដំណោះស្រាយឲ្យមានប្រសិទ្ធភាពសម្រាប់សង្គមយើង។ ក្រៅពីការយកចិត្តទុកដាក់ជារួមលើនិស្សិតកម្ពុជា លោកសាកលវិទ្យាធិការរង ក៏បានសន្យាថា នឹងបន្តផ្តល់អាហារូបករណ៏ឲ្យបានកាន់តែច្រើនថែមទៀតដល់និស្សិតកម្ពុជា។ មានមតិនៅក្នុងជំនួបនោះ ឯកឧត្តមបណ្ឌិត សាន វឌ្ឍនា សមាជិកគណៈកម្មាធិការកណ្តាល ស.ស.យ.ក. តំណាងឯកឧត្តម ហ៊ុន ម៉ានី បានសំដែងនូវការគាំទ្រចំពោះការលើកឡើងរបស់លោកបណ្ឌិតសាកលវិទ្យាធិការរង។ ឯកឧត្តម បានថ្លែងថា ការរួមគ្នាស្វែងរកដំណោះស្រាយសង្គម ត្រូវតែជាអាទិភាពរបស់និស្សិតនៃប្រទេសយើងទាំងពីរ។ ទន្ទឹមនឹងនេះ ឯកឧត្តម ក៏បានថ្លែងអំណរគុណដល់សាកលវិទ្យាល័យជាតិវៀតណាម និងរដ្ឋាភិបាលវៀតណាម ដែលតែងបានយកចិត្តទុកដាក់ដល់និស្សិតកម្ពុជា ដែលកំពុងបំពេញការសិក្សានៅតាមសាកលវិទ្យាល័យនានា និងថ្លែងអំណរគុណដល់ការបន្តផ្តល់អាហារូបករណ៏ដល់និស្សិតកម្ពុជា។ សូមបញ្ជាក់ថា ជំនួបនាពេលនោះ ក៏មានការផ្លាស់ប្តូរមតិយោបល់គ្នារវាងនិស្សិតកម្ពុជា និងវៀតណាម ដោយនិស្សិតនៃប្រទេសទាំងពីរបានប្តេជ្ញាចិត្តក្នុងការខិតខំប្រឹងប្រែងសិក្សា បង្កើតកិច្ចសហប្រតិបត្តការល្អ ចេះជួយគ្នាទៅវិញទៅមក ជាពិសេសការបន្តពូនជ្រុំទំនាក់ទំនងរវាងនិស្សិតកម្ពុជា និងនិស្សិតវៀតណាម។ **👉🏽តំណភ្ជាប់ទៅកាន់បណ្តាញសង្គមរបស់ ស.ស.យ.ក.** 🌐**uyfc.org** 📱[**Facebook**](https://www.facebook.com/uyfccambodia) 📱[**YouTube**](https://www.youtube.com/@unionofyouthfederationcambodia)** ** 📱[**Telegram**](https://t.me/uyfc_news)** ** 📱** **[**TikTok**](https://www.tiktok.com/@uyfccambodia?_t=8fUJ9WcjHX8)