柬埔寨公务员考试阅卷流程公开 确保公平公正

តើដំណើរការកែសន្លឹកកិច្ចការបេក្ខជនត្រូវប្រព្រឹត្តទៅដូចម្តេច? ស្របតាមនិយាមនីតិវិធីនៃការប្រឡងប្រជែង ក្នុងដំណាក់កាលកែសន្លឹកកិច្ចការប្រឡង និងការបូកពិន្ទុ ត្រូវរៀបចំនិងអនុវត្តតាមបែបបទនិងនីតិវិធី រួមមាន៖ (១)ការចុះលេខសម្ងាត់ និងកាត់ក្បាលសន្លឹកកិច្ចការត្រូវអនុវត្ត និងគ្រប់គ្រងដោយ អនុគណៈកម្មការចុះលេខសម្ងាត់ និងកាត់ក្បាលសន្លឹកកិច្ចការ។ អនុគណៈកម្មការចុះលេខសម្ងាត់ និងកាត់ក្បាលសន្លឹកកិច្ចការត្រូវធ្វើការផ្ទៀងផ្ទាត់ឡើងវិញនូវចំនួនសន្លឹកកិច្ចការតាមបន្ទប់នីមួយៗ កាត់ក្បាល និងចុះលេខសម្ងាត់លើក្បាលសន្លឹកកិច្ចការ ដើម្បីប្រគល់ជូនអនុគណៈកម្មការកំណែវិញ្ញាសា។ (២)ការកែសន្លឹកកិច្ចការបេក្ខជនត្រូវអនុវត្តជាលក្ខណៈអនាមិកលើសន្លឹកកិច្ចការ ដែលត្រូវបានចុះលេខសម្ងាត់ និងកាត់ក្បាលសន្លឹកកិច្ចការរួចរាល់ ដែលមិនមានព័ត៌មាន ឬសញ្ញាសម្គាល់ណាមួយអំពីអត្តសញ្ញាណរបស់បេក្ខជន ចូលរួមក្នុងការប្រឡងប្រជែងឡើយ។ រាល់ការកែសន្លឹកកិច្ចការរបស់បេក្ខជន ត្រូវអនុវត្តជា ២លើក ដោយមានការកែ និងពិនិត្យផ្ទៀងផ្ទាត់ដោយអ្នកកែចំនួន ២រូប និងដាក់ពិន្ទុក្នុងសន្លឹកកិច្ចការរបស់បេក្ខជន តាមអត្រាកំណែដែលអនុគណៈកម្មការវិញ្ញាសាបានកំណត់។ បន្ទាប់ពីការធ្វើកំណែសន្លឹកកិច្ចការរួចរាល់ អនុគណៈកម្មការកំណែវិញ្ញាសាត្រូវពិនិត្យ និងផ្ទៀងផ្ទាត់គ្រប់សន្លឹកកិច្ចការរបស់បេក្ខជន មុននឹងប្រគល់ជូនអនុគណៈកម្មការបូកស្រង់ពិន្ទុ។ (៣)ការស្រង់ពិន្ទុពីសន្លឹកកិច្ចការ ត្រូវអនុវត្តតាមប្រព័ន្ធព័ត៌មានវិទ្យា និងជាលក្ខណៈអនាមិកផ្អែកលើលេខកូដសម្ងាត់លើសន្លឹកកិច្ចការ។អនុគណៈកម្មការបូកស្រង់ពិន្ទុ ត្រូវបូកពិន្ទុគ្រប់វិញ្ញាសាតាមប្រព័ន្ធព័ត៌មានវិទ្យា និងជាលក្ខណៈអនាមិក ដោយមិនផ្តុំក្បាលសន្លឹកកិច្ចការនោះទេ។ (៤)ការបូកពិន្ទុសរុបនៃវិញ្ញាសាទាំងអស់របស់បេក្ខជន ត្រូវអនុវត្តផ្អែកលើគោលការណ៍អនាមិកដោយការប្រើប្រាស់ប្រព័ន្ធកូដសម្ងាត់និងកំណត់ចំនួនបេក្ខជនដែលទទួលបានពិន្ទុខ្ពស់ជាងគេតាមលំដាប់ និងស្រង់យកត្រឹមចំនួនកំណត់ សម្រាប់ការជ្រើសរើសក្នុងមុខតំណែង និងតាមអង្គភាពនីមួយៗ។ អនុគណៈកម្មការបូកស្រង់ពិន្ទុ ត្រូវរៀបចំកំណត់បញ្ជីបេក្ខជនជាប់តាមលំដាប់ពិន្ទុ និងយកមកផ្តុំជាមួយក្បាលសន្លឹកកិច្ចការ ផ្អែកលើប្រព័ន្ធលេខកូដសម្ងាត់លើសន្លឹកកិច្ចការ។ (៥)ក្រោយពិនិត្យ និងផ្ទៀងផ្ទាត់លេខកូដសម្ងាត់ សន្លឹកកិច្ចការនិងព័ត៌មានផ្សេងៗពាក់ព័ន្ធនឹងបេក្ខជនរួចរាល់ អនុគណៈកម្មការបូកស្រង់ពិន្ទុ ត្រូវរៀបចំបញ្ជីឈ្មោះបេក្ខជនជាប់ជាស្ថាពរ និងជាប់បម្រុងជូនគណៈមេប្រយោគពិនិត្យ និងសម្រេច។ សូមបញ្ជាក់ថា រាល់សកម្មភាពទាំងអស់ មានការពិនិត្យ តាមដាន និងធ្វើជាសាក្សីផ្ទាល់ពីសំណាក់តំណាងអង្គភាពប្រឆាំងអំពើពុករលួយ (ACU), អនុគណៈកម្មការត្រួតពិនិត្យ និងវាយតម្លៃ, តំណាងសាកលវិទ្យាល័យ, សហភាពសហព័ន្ធយុវជនកម្ពុជា ព្រមទាំងសាធារណជនផងដែរ។ **📲 **[**អានព័ត៌មានលម្អិតនៅលើបណ្ដាញសង្គម**](https://web.facebook.com/share/p/1C1VdX2FpH/)** 📱Telegram Channel ថ្មី «ប្រឡងមន្ត្រី» ****https://t.me/+erOtVg3U1dk4MGE1**** 👉 តំណភ្ជាប់ទៅកាន់គេហទំព័រ និងបណ្តាញសង្គម 🌐 | **[**Website**](https://www.mcs.gov.kh/)[** 🌐 **](https://youtube.com/@MinistryofCivilService)**|**[** Facebook  🌐 **](https://web.facebook.com/CivilServiceCambodia)**|**[** Instagram    🌐 **](https://www.instagram.com/civilservice_cambodia?igsh=MWRrZWIwamh4ZW9uZA==)**|**[** Tiktok 🌐 **](https://www.tiktok.com/@mcsgovernment?)**|**[** Telegram  🌐 **](http://t.me/mcsgovkh)**|**[** YouTube**](https://youtube.com/@MinistryofCivilService)