柬埔寨学生PISA测试成绩显著提升 居东盟前列

សិស្សកម្ពុជាទទួលបានកំណើនពិន្ទុខ្លាំងក្នុងកម្មវិធី PISA ២០២៥ ដោយពិន្ទុពីឆ្នាំ ២០២២ ដល់ ២០២៥ កើនឡើង ១៨ ពិន្ទុលើផ្នែកអំណាន (កើនខ្ពស់លំដាប់ទី៣), ៣០ ពិន្ទុ លើផ្នែកគណិតវិទ្យា (កើនខ្ពស់ជាងគេ) និង ៣៥ ពិន្ទុ លើផ្នែកវិទ្យាសាស្ត្រ (កើនខ្ពស់លំដាប់ទី២)។ បើធៀបពីឆ្នាំ ២០១៨ ដល់ ២០២៥ ពិន្ទុកើនឡើង ២៦, ៤១ និង ៥២ ពិន្ទុ តាមលំដាប់។ ជារួម កម្ពុជាមាន ការកំណើនខ្លាំងបំផុតក្នុងចំណោមប្រទេសអាស៊ាន នាំមុខថៃ ហ្វីលីពីន ឥណ្ឌូនេស៊ី និងម៉ាឡេស៊ី។ កម្ពុជាក៏មាន ចំណាត់ថ្នាក់កាន់តែប្រសើរ ដោយស្ថិតនៅលើ ១០ ប្រទេស លើផ្នែកអំណាន ១៤ ប្រទេសលើផ្នែកគណិតវិទ្យា រួមទាំងឥណ្ឌូនេស៊ី និង ១៦ លើផ្នែកវិទ្យាសាស្ត្ររួមទាំងហ្វីលីពីន។ លទ្ធផលនេះគួរឱ្យកត់សម្គាល់ ដោយសារកម្ពុជាមាន ធនធានសេដ្ឋកិច្ច និងការចំណាយលើការអប់រំនៅមានកម្រិតនៅឡើយ។ GDP សម្រាប់មនុស្សម្នាក់មានប្រហែល ២ ៨៧០ ដុល្លារអាមេរិក ប្រៀបធៀបនឹងប្រហែល ៥ ០០០–៦ ០០០ដុល្លារ ក្នុងអាស៊ាន និង ជាង ៥០ ០០០ ដុល្លារ ក្នុងបណ្តាប្រទេសសមាជិក OECD។ ការចំណាយសាធារណៈលើការអប់រំមានប្រមាណ ២% នៃ GDP ប្រៀបធៀបនឹងប្រហែល ៤–៥% នៅអាស៊ី-ប៉ាស៊ីហ្វិក និង OECD។ ការចំណាយអប់រំសរុបក្នុងម្នាក់ៗមានប្រហែល ៥ ២៩៤ ដុល្លារ ប្រៀបធៀបនឹង ហ្វីលីពីន ១២ ៨៤៥ ដុល្លារ ឥណ្ឌូនេស៊ី ១៩ ៧០០ ដុល្លារ វៀតណាម ១៣ ៨០០ ដុល្លារ និងម៉ាឡេស៊ី ៥៦ ០៣១ ដុល្លារ។ សំខាន់ជាងនេះ កម្ពុជាកំពុងកាត់បន្ថយគម្លាតនៃការសិក្សាជាមួយប្រទេសអាស៊ាន។ កម្ពុជាមានពិន្ទុ លើសឥណ្ឌូនេស៊ីលើគណិតវិទ្យា (៣៦៦ ទល់នឹង ៣៦៤) ហើយគម្លាតក៏មិនឆ្ងាយលើផ្នែកអំណាន (៣៤៧ ទល់នឹង ៣៦៥) និងវិទ្យាសាស្ត្រ (៣៨២ ទល់នឹង ៣៨៩)។ ប្រសិនបើកម្ពុជាអាចរក្សាការកើនឡើងប្រហែល ៣០ ពិន្ទុក្នុងមួយវដ្ដនៃ PISA នោះគម្លាតជាមួយប្រទេសអាស៊ានដែលមានពិន្ទុខ្ពស់ជាង អាចរួមតូចយ៉ាងខ្លាំងក្នុងរយៈពេល ១–២ វដ្ដនៃ PISA។ 🔍[គេហទំព័រ និងបណ្ដាញសង្គមផ្លូវការក្រសួង](https://linktr.ee/moeyscambodia)🔵 🌐[Facebook](https://facebook.com/moeys.gov.kh)    👨‍🏫[Podcast](https://podcasters.spotify.com/pod/show/moeys) 🌐[YouTube](https://www.youtube.com/moeyscambodia)     🌐[Instagram](https://www.instagram.com/moeyscambodia) 🌐[TikTok](https://bit.ly/tiktokmoeyscambodia)        🌐[Telegram](https://t.me/moeysnews)  🏫[Sala MIL](https://link.moeys.gov.kh/SALA-MIL)   🤖[MILChatbot](http://t.me/MILSelfLearningBot)