实居省部署抗旱工作 应对厄尔尼诺气候影响

[来源: 柬埔寨国家电视台] [分类提示: NEWS] 标题: ឯកឧត្តម ឈួរ សុបញ្ញា អញ្ជើញដឹកនាំក្រុមការងារចុះពិនិត្យស្ថានភាពប្រភពទឹក និងស្ថានភាពស្រូវវស្សាប្រជាពលរដ្ឋនៅឃុំដំណាក់រាំង ឃុំដំណាក់រាំង៖ នៅរសៀលថ្ងៃអាទិត្យ ២រោច ខែភទ្របទ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី ៣០ ខែសីហា ឆ្នាំ២០២៦ បន្ទាប់ពីបានទទួលអនុសាសន៍ណែនាំដ៏ខ្ពង់ខ្ពស់ពី ឯកឧត្តម ឧបនាយករដ្ឋមន្ត្រី ហ៊ុន ម៉ានី ប្រធានក្រុមការងាររាជរដ្ឋាភិបាលចុះមូលដ្ឋានខេត្តកំពង់ស្ពឺ ក្នុងកិច្ចប្រជុំប្រចាំខែ ស្តីពីការត្រៀមបម្រុង និងការឆ្លើយតបចំពោះផលប៉ះពាល់ដែលអាចកើតមានពីការប្រែប្រួលអាកាសធាតុ និងបាតុភូត អែលនីញ៉ូ (El Niño) ដែលអាចបង្កឱ្យមានស្ថានភាពរាំងស្ងួត និងប៉ះពាល់ដល់ការបង្កបង្កើនផលរបស់ប្រជាពលរដ្ឋ រួចមកឯកឧត្តម ឈួរ សុបញ្ញា បានអញ្ជើញដឹកនាំក្រុមការងារចុះពិនិត្យស្ថានភាពជាក់ស្តែងនៃទំនប់ទឹក ប្រភពទឹក និងស្រែរបស់ប្រជាពលរដ្ឋនៅក្នុងឃុំដំណាក់រាំង ស្រុកសាមគ្គីមុនីជ័យ ខេត្តកំពង់ស្ពឺ។ ការចុះមូលដ្ឋាននេះ ធ្វើឡើងក្នុងស្មារតី «ត្រៀមមុន បង្ការមុន និងឆ្លើយតបឱ្យបានទាន់ពេល» ដើម្បីស្វែងយល់ពីស្ថានភាពទឹកជាក់ស្តែង និងកំណត់តម្រូវការរបស់ប្រជាពលរដ្ឋនៅតំបន់ដែលពឹងផ្អែកលើទឹកសម្រាប់ការបង្កបង្កើនផល ជាពិសេសដំណាំស្រូវវស្សា។ ក្នុងអំឡុងពេលចុះពិនិត្យ ក្រុមការងារ បានពិនិត្យស្ថានភាពទំនប់ទឹក កម្រិតទឹក ប្រព័ន្ធនាំទឹក និងតំបន់ស្រែដែលអាចប្រឈមនឹងការខ្វះទឹក ព្រមទាំងបានស្វែងយល់ពីបញ្ហាប្រឈម និងសំណូមពររបស់ប្រជាពលរដ្ឋពាក់ព័ន្ធនឹងការប្រើប្រាស់ទឹកសម្រាប់កសិកម្ម។ ក្នុងឱកាសនេះឯកឧត្តមបានស្នើឱ្យក្រុមការងារ និងអាជ្ញាធរឃុំនិងភូមិបន្តតាមដានស្ថានភាពទឹកឱ្យបានជាប់ជាប្រចាំ មិនត្រូវរង់ចាំរហូតដល់មានការខ្វះទឹកធ្ងន់ធ្ងរ ទើបចាប់ផ្តើមដោះស្រាយនោះទេ ដោយត្រូវរៀបចំផែនការប្រើប្រាស់ទឹកឱ្យបានសមស្រប កំណត់អាទិភាពតំបន់ដែលមានតម្រូវការខ្ពស់ និងត្រៀមមធ្យោបាយអន្តរាគមន៍ជា