柬埔寨商务部副国务秘书林潘皮拉出席第11届东方经济论坛，参与

ឯកឧត្តម លឹម ផាន់ភារៈ អនុរដ្ឋលេខាធិការក្រសួងពាណិជ្ជកម្ម អញ្ជើញចូលរួមជាវាគ្មិនក្នុងកិច្ចសន្ទនាធុរកិច្ចរុស្ស៊ី-អាស៊ាន នាអំឡុងពេលនៃវេទិកាសេដ្ឋកិច្ចបូព៌ា លើកទី១១ … (វ្ល៉ាឌីវ៉ូស្តុក, សហព័ន្ធរុស្ស៊ី)៖ នាព្រឹកថ្ងៃទី២ ខែកញ្ញា ឆ្នាំ២០២៦ ឯកឧត្តម លឹម ផាន់ភារៈ អនុរដ្ឋលេខាធិការក្រសួងពាណិជ្ជកម្ម បានអញ្ជើញចូលរួមជាវាគ្មិនក្នុងកិច្ចសន្ទនាធុរកិច្ចរុស្ស៊ី-អាស៊ាន នាអំឡុងពេលនៃវេទិកាសេដ្ឋកិច្ចបូព៌ា លើកទី១១ (11th Eastern Economic Forum) ក្រោមមូលបទ «The Far East – A Pole of International Interaction» ដែលផ្តោតលើការប្រែក្លាយការប្តេជ្ញាចិត្តនៅក្រោមក្របខ័ណ្ឌផែនការសកម្មភាពការងារគ្រប់ជ្រុងជ្រោយរវាងរុស្ស៊ី និងអាស៊ាន ឆ្នាំ២០២៦-២០៣០ ទៅជាសមិទ្ធផលជាក់ស្តែង និងការជំរុញសក្តានុពលតំបន់ចុងបូព៌ារបស់រុស្ស៊ី ឱ្យក្លាយជាមជ្ឈមណ្ឌលថ្មីសម្រាប់ពាណិជ្ជកម្ម វិនិយោគ និងកិច្ចសហប្រតិបត្តិការយុទ្ធសាស្ត្រនៅតំបន់អាស៊ី-ប៉ាស៊ីហ្វិក។ វេទិកានេះ ក៏មានការអញ្ជើញចូលរួមពីប្រធានក្រុមប្រឹក្សាធុរកិច្ចរុស្ស៊ី–អាស៊ាន ប្រធានសភាពាណិជ្ជកម្មរុស្ស៊ី អនុរដ្ឋមន្ត្រីទី១ នៃសហព័ន្ធរុស្ស៊ីទទួលបន្ទុកការអភិវឌ្ឍតំបន់ចុងបូព៌ា និងតំបន់អាក់ទិក អនុប្រធានទទួលបន្ទុកការអភិវឌ្ឍអន្តរជាតិ Sistema អនុប្រធាន VEB.RF អនុរដ្ឋមន្ត្រីក្រសួងអភិវឌ្ឍន៍ឌីជីថល និងទំនាក់ទំនងមីយ៉ាន់ម៉ា និងប្រធាន DNS Group។ កិច្ចពិភាក្សាបានកត់សម្គាល់អំពីសារៈសំខាន់នៃប្រព័ន្ធបច្ចេកវិទ្យា និងសន្តិសុខសាយប័រ ដែលអាចជួយជំរុញការតភ្ជាប់រវាងតំបន់ទាំងពីរ។ នាឱកាសនោះ ឯកឧត្តមអនុរដ្ឋលេខាធិការ បានអបអរសាទរចំពោះការប្រារព្ធខួបអនុស្សាវរីយ៍លើកទី៣៥ នៃកិច្ចសហប្រតិបត្តិការអាស៊ាន–រុស្ស៊ី និងខួបលើកទី៧០ នៃទំនាក់ទំនងការទូតកម្ពុជា–រុស្ស៊ី នៅឆ្នាំ២០២៦ និងបានគូសបញ្ជាក់អំពីកំណើនទំហំពាណិជ្ជកម្មរវាងអាស៊ាន និងរុស្ស៊ី គួរឱ្យកត់សម្គាល់៕ … ភ្ជាប់មកកាន់ក្រសួងពាណិជ្ជកម្ម តាមតំណភ្ជាប់ខាងក្រោម៖ Connect with Ministry Of Commerce: 🌐 [Facebook ](https://web.facebook.com/moc.gov.kh) 🌐 [Telegram](https://t.me/mocnewsfeed) 🌐 [Website](https://www.moc.gov.kh/) 🌐 [YouTube](https://www.youtube.com/@mocgovkhcambodia) 🌐 [X (Twitter](https://twitter.com/MoCCambodia))