国家社会保障基金局启动医疗服务质量监控优化项目

ប.ស.ស. បានបើកកិច្ចប្រជុំលើកដំបូង ដើម្បីពិនិត្យ និងកែលម្អឧបករណ៍តាមដានគុណភាពសេវាជូនសមាជិកឱ្យកាន់តែមានប្រសិទ្ធភាព ------------------------- ភ្នំពេញ៖ នាព្រឹកថ្ងៃទី១៩ ខែសីហា ឆ្នាំ២០២៦នេះ ឯកឧត្តម ឃុន ចាន់ណារិទ្ធ អគ្គនាយករង ប.ស.ស. តំណាងឯកឧត្តម ម៉េង ហុង ប្រតិភូរាជរដ្ឋាភិបាលទទួលបន្ទុកជាអគ្គនាយក ប.ស.ស. នៃក្រសួងការងារ និងបណ្ដុះបណ្ដាលវិជ្ជាជីវៈ បានដឹកនាំក្រុមការងារបច្ចេកទេស ចូលរួមកិច្ចប្រជុំជាមួយភាគីពាក់ព័ន្ធជាលើកដំបូង ដែលមានការចូលរួមពីតំណាងនិយ័តករសន្តិសុខសង្គម លេខាធិការដ្ឋានអនុគណៈកម្មាធិការទទួលបន្ទុកការគ្របដណ្តប់សុខភាពជាសកលនៅកម្ពុជា និងកិច្ចសហប្រតិបត្តិការអាល្លឺម៉ង់ (GIZ) ដោយមានអ្នកចូលរួមប្រមាណជា ២០នាក់ នៅស្នាក់ការកណ្តាល ប.ស.ស. រាជធានីភ្នំពេញ។ កិច្ចប្រជុំខាងលើ រៀបចំឡើងក្នុងគោលបំណង ប្រមូលមតិយោបល់ និងធាតុចូលសំខាន់ៗពីនិយ័តករសន្តិសុខសង្គម ដើម្បីយកទៅកែលម្អ និងរៀបចំ ឧបករណ៍តាមដាន និងលើកកម្ពស់គុណភាពសេវាជូនសមាជិក ប.ស.ស. ឱ្យមានលក្ខណៈគ្រប់ជ្រុងជ្រោយ មានប្រសិទ្ធភាព និងអាចយកទៅអនុវត្តបាន។ [អានបន្ត](https://www.facebook.com/share/p/19Zu4T5MEh/?mibextid=wwXIfr)…