东盟-中国柬埔寨文化教育体育中心与马德望大学孔子学院达成战略合作

[来源: 柬埔寨国家电视台] [分类提示: NEWS] 标题: មជ្ឈមណ្ឌលវប្បធម៌ អប់រំ និងកីឡា អាស៊ាន-ចិន កម្ពុជា និងវិទ្យាស្ថានខុងជឺ នៃសាកលវិទ្យាល័យជាតិបាត់ដំបង ធ្វើកិច្ចសហប្រតិបត្តិការយុទ្ធសាស្ត្រជាមួយគ្នាដើម្បីពង្រឹងការបណ្តុះបណ្តាលភាសាចិននៅកម្ពុជា។ ក្នុងស្មារតីពង្រឹងចំណងមិត្តភាពដែកថែប និងកិច្ចសហប្រតិបត្តិការត្បូងពេជ្រ រវាងកម្ពុជា និងចិន នាព្រឹកថ្ងៃទី១១ ខែមេសា ឆ្នាំ២០២៦ មានរៀបចំពិធីចុះហត្ថលេខាលើកិច្ចព្រមព្រៀងសហប្រតិបត្តិការយុទ្ធសាស្ត្រ និងសម្ពោធមជ្ឈមណ្ឌលបណ្តុះ បណ្តាលអក្សរសាស្ត្រចិនអន្តរជាតិ រវាងមជ្ឈមណ្ឌលវប្បធម៌ អប់រំ និងកីឡា អាស៊ាន-ចិន កម្ពុជា ហៅកាត់ថា (CAE) និងវិទ្យាស្ថានខុងជឺ នៃសាកលវិទ្យាល័យជាតិបាត់ដំបង ដែលពិធីនេះបានប្រព្រឹត្តទៅក្រោមអធិបតីភាពមន្ត្រីជាន់ខ្ពស់មកពីទីស្តីការគណៈ រដ្ឋមន្ត្រី និងមន្ទីរអប់រំ យុវជន និងកីឡា រាជធានីភ្នំពេញ។ នៅក្នុងពិធីដ៏ឱឡារិកនេះ លោកបណ្ឌិត សរ រិទ្ធី ប្រធានមជ្ឈមណ្ឌលវប្បធម៌ អប់រំ និងកីឡា អាស៊ាន-ចិន កម្ពុជា បានបញ្ជាក់ថា ការចុះហត្ថលេខាលើកិច្ចព្រមព្រៀងសហប្រតិបត្តិការយុទ្ធសាស្ត្រនាពេលតែនេះគឺជាសក្ខីភាពនៃការពង្រីកវិសាលភាពអប់រំភាសាចិនឱ្យកាន់តែខិតជិតសិស្ស និស្សិតកម្ពុជា ។ កិច្ចសហប្រតិបត្តិការនេះមិនត្រឹមតែផ្ដោតលើការបង្រៀនភាសាប៉ុណ្ណោះទេ ប៉ុន្តែក៏ជាស្ពានចម្លងវប្បធម៌ អប់រំនិងកីឡារវាងយុវជននៃប្រទេសទាំងពីរផងដែរ។ ទន្ទឹមនឹងនេះ លោកសាស្រ្តាចារ្យបណ្ឌិត Zhang Lin ប្រធានវិទ្យាស្ថានខុងជឺនៃសាកលវិទ្យាល័យជាតិបាត់ដំបង បានលើកឡើងពីសារៈសំខាន់នៃរាជធានីភ្នំពេញ ដែលជាបេះដូងនៃសេដ្ឋកិច្ច និងវប្បធម៌ ដោយវិទ្យាស្ថានបានសម្រេចបង្កើតសាខាមជ្ឈមណ្ឌលស្រាវជ្រាវ អក្សរសាស្រ្ត និងវប្បធម៌ នៅមជ្ឈមណ្ឌលវប្បធម៌ អប់រំ និងកីឡា អាស៊ាន-ចិន កម្ពុជា ដើម្បីឆ្លើយតបនឹងតម្រូវការបណ្តុះបណ្តាលធនធានមនុស្សសម្រាប់សហគ្រាសវិនិយោគចិននៅកម្ពុជា។ លោកស្រី ជេត សុភ័ណ្ឌ អនុប្រធានការិយ