柬埔寨三部门公务员选拔考试开考 洪玛尼主持监督

ការធ្វើកំណែ ក៏ដូចជាការប្រឡងជ្រើសរើសមន្ត្រី គឺរៀបចំឡើងតាមនីតិវិធី មានការចូលរួមត្រួតពិនិត្យពីគ្រប់ភាគី ដែលធានាបាននូវយុត្តិធម៌ ភាពសុក្រឹត្យ ត្រឹមត្រូវ ដោយធានាបានថា បេក្ខជនប្រឡងជាប់ ជាបេក្ខជនមានសមត្ថភាពពិត។ ដំណើរការកំណែ ការប្រឡងជ្រើសរើសមន្ត្រីទាំង ៣ក្រសួង-ស្ថាប័ន បានចាប់ផ្ដើមដំណើរការ នៅព្រឹកថ្ងៃទី ១ ខែមិថុនា ឆ្នាំ ២០២៦។ ការធ្វើកំណែ ធ្វើឡើងក្រោមអធិបតីភាព ឯកឧត្តម ឧបនាយករដ្ឋមន្ត្រី ហ៊ុន ម៉ានី រដ្ឋមន្ត្រីក្រសួងមុខងារសាធារណ: និងមានការចូលរួមត្រួតពិនិត្យគ្រប់ដំណាក់កាលដោយ មន្ត្រីអង្គភាពប្រឆាំងអំពើពុករលួយ រួមទាំងបណ្ដាអ្នកស្ម័គ្រចិត្តជាច្រើនអង្គនាក់។ ការប្រឡងជ្រើសរើសមន្ត្រីទាំង ៣ក្រសួងនេះ រួមមានក្របខណ្ឌក្រសួងយុត្តិធម៌ ក្របខណ្ឌក្រសួងការបរទេស និងកិច្ចសហប្រតិបត្តិការអន្តរជាតិ និងក្របខណ្ឌ រដ្ឋលេខាធិការដ្ឋានកិច្ចការព្រំដែន។ ការប្រកាសលទ្ធផល គ្រោងធ្វើឡើងនៅថ្ងៃទី ៥ មិថុនា ខាងមុខ។ [Website](https://www.tiktok.com/@btvcambodia) |[ Facebook](https://web.facebook.com/btvnewstv/) | [Telegram](https://t.me/btvnewscambodia) | [TikTok](https://www.tiktok.com/@btvcambodia)