卫生部长秦拉视察班迭棉吉省受灾的拉哈德卫生中心，慰问医护人员

រដ្ឋមន្ត្រីក្រសួងសុខាភិបាល ចុះពិនិត្យស្ថានភាព មូលដ្ឋានសុខាភិបាល ដែលកំពុងបន្តរងការជន់លិច។ ———— ខេត្តបន្ទាយមានជ័យ៖ នាព្រឹកថ្ងៃសៅរ៍ ទី៣ ខែតុលា ឆ្នាំ២០២៦ ឯកឧត្តមសាស្រ្តាចារ្យ ឈាង រ៉ា រដ្ឋមន្រ្តីក្រសួងសុខាភិបាល រួមជាមួយថ្នាក់ដឹកនាំក្រសួងសុខាភិបាល បានចុះពិនិត្យស្ថានភាពវិវត្តន៍ជាក់ស្តែង នៃមណ្ឌលសុខភាពរហាត់ទឹក ដែលកំពុងរងគ្រោះដោយសារទឹកជំនន់។ នាឱកាសចុះពិនិត្យ ឯកឧត្តមសាស្ត្រាចារ្យ បានសំណេះសំណាលសួរសុខទុក្ខមន្រ្តីសុខាភិបាល និងផ្តល់ការកោតសរសើរថ្លែងអំណរគុណអំពីការខិតខំយកចិត្តទុកដាក់បន្តការងារបម្រើសេវាពិនិត្យ ថែទាំ និងព្យាបាល ដោយក្តីមេត្តា ករុណា ជូនប្រជាពលរដ្ឋ ក្នុងមូលដ្ឋាន ទោះបីកំពុងប្រឈមនឹងស្ថានភាពលំបាកដោយសារទឹកជំនន់ក៏ដោយ។ ឯកឧត្តមសាស្រ្តាចារ្យ បានផ្តល់ជូនអនុសាសន៍ដល់បុគ្គលិកសុខាភិបាល ដោយត្រូវផ្តោតលើការថែរក្សាទុកដាក់សម្ភារ បរិក្ខារ និងឧបករណ៍វេជ្ជសាស្រ្ត ឱ្យបានល្អបំផុត និងត្រូវសហការរវាងមូលដ្ឋានសុខាភិបាល និងការិយាល័យស្រុកប្រតិបត្តិដែលមានទីតាំងខ្ពស់ទទួលយកឱសថ បរិក្ខារ មកទុកទីតាំងសុវត្ថិភាព ដោយកត់ត្រាក្នុងបញ្ជី។ ករណីចាំបាច់ ក៏អាចប្រើប្រាស់ឱសថទាំងនោះ យកទៅឆ្លើយតបតាមតម្រូវការ ជូនដល់លំនៅដ្ឋានដែលបងប្អូនអ្នកជំងឺលោកមិនអាចមកដល់មណ្ឌលសុខភាព។ ទន្ទឹមនឹងនេះ គ្រប់សេវាសារវន្ត័សុខាភិបាល ដូចជាការផ្តល់ជូនថ្នាំលើសឈាម ថ្នាំទឹកនោមផ្អែម ការពិនិត្យផ្ទៃពោះ សេវាសម្រាលបុត្រ សេវាចាក់ថ្នាំបង្ការ (ចាក់វ៉ាក់សាឱង) ត្រូវបានបន្តបម្រើជូន សំដៅការរក្សាបានការបន្តលើកកម្ពស់សុខុមាលភាពជូនប្រជាពលរដ្ឋ ទោះក្នុងពេលមានទឹកជំនន់ក៏ដោយ ជាពិសេសនៅពេលមានតម្រូវការសុខភាព ដែលឥតព្រៀងទុក។ **🌐**[Website](https://moh.gov.kh/kh/home) 📱[Facebook](https://www.facebook.com/MinistryofHealthofCambodia?mibextid=ZbWKwL) 📱[Telegram](https://t.me/MOHCambodia) 📱[X (twitter)](https://x.com/MohCambodia) 📱[Tiktok](https://www.tiktok.com/@mohcambodia) 📱[YouTube](https://www.youtube.com/@MOHCambodia)